അറിഞ്ഞിരിക്കേണ്ട ഉള്ഹിയ്യത്തിന്റെ കർമശാസ്ത്ര പാഠങ്ങൾ

നിയ്യത്ത് എങ്ങനെയാവണംവലിയ പെരുന്നാളില്‍ നിര്‍വഹിക്കപ്പെടുന്ന വളരെ ശ്രേഷ്ഠമായ കര്‍മമാണ് ഉള്ഹിയ്യത്ത്. ഈ സത്കര്‍മം പരിശുദ്ധ ഖുര്‍ആന്‍, ഹദീസ്, ഇജ്മാഅ് എന്നിവകൊണ്ട് സ്ഥിരപ്പെട്ട കാര്യമാണ്. മറ്റു സുന്നത്തായ സ്വദഖകളേക്കാള്‍ ശ്രേഷ്ഠതയുണ്ട് ഉള്ഹിയ്യത്തിന്. തനിക്കും താന്‍ ചെലവ് കൊടുക്കല്‍ നിര്‍ബന്ധമായ ആളുകള്‍ക്കും പെരുന്നാള്‍ ദിവസത്തില്‍ ചെലവിന്നാവശ്യമായ സമ്പത്ത് കഴിച്ച് ഉള്ഹിയ്യത്ത് നിര്‍വഹിക്കാന്‍ ശേഷിയുള്ളവന് ഇത് സുന്നത്താണ്. ഒഴിവാക്കല്‍ കറാഹത്താണ്. ഹനഫീ മദ്ഹബില്‍ ഈ കര്‍മം നിര്‍ബന്ധവും ഒഴിവാക്കല്‍ കുറ്റകരവുമാണ്.

അല്ലാഹുവിന്റെ പ്രീതിയാഗ്രഹിച്ച് ബലിപെരുന്നാൾ ദിനത്തിലും തുടർന്നുള്ള മൂന്ന് ദിവസങ്ങളിലും ആടു മാടുകളെ അറുക്കുന്നതാണ് ഉള്ഹിയ്യത്ത്. സൂറത്തുൽ കൗസറിലെ രണ്ടാമത്തെ ആയത്തും ചില ഖുർആൻ വ്യാഖ്യാതാക്കളുടെ അഭിപ്രായമനുസരിച്ച് ഇരുപത്തിരണ്ടാം അധ്യായത്തിലെ (സൂറത്തുൽ ഹജ്ജ്) 36,37 ആയത്തുകളും ബലികർമത്തിന് തെളിവാണ്.

ബലികർമം നടത്തുന്നതിനേക്കാൾ അല്ലാഹുവിന് ഇഷ്ടപ്പെട്ട മറ്റൊരു കാര്യവും പെരുന്നാൾ ദിനത്തിൽ മനുഷ്യന് ചെയ്യാനില്ല എന്ന ആശയം വരുന്ന ഹദീസും അതിനു തെളിവുതന്നെ.

നബി(സ്വ)യെ സംബന്ധിച്ചിടത്തോളം നിർബന്ധവും നമുക്ക് സുന്നത്തുമാണ് ബലിദാനം. ഇമാം തിർമുദി(റ) റിപ്പോർട്ട് ചെയ്ത, ‘എന്നോട് ബലികർമം നടത്താൻ നിർബന്ധമായി കൽപിക്കപ്പെട്ടിരിക്കുന്നു, നിങ്ങൾക്കത് സുന്നത്താണ്’ എന്ന ഹദീസും ഇമാം കുതുബി ഉദ്ധരിച്ച ബലികർമം എനിക്ക് നിർബന്ധമാക്കപ്പെട്ടു, നിങ്ങൾക്ക് നിർബന്ധമില്ല എന്നർത്ഥം വരുന്ന ഹദീസും പ്രസ്തുത നിയമത്തിനു തെളിവാണ്.

തന്റേടമുള്ള സ്വതന്ത്രനായ ഇസ്‌ലാമിക നിയമങ്ങൾ ബാധകമായ അറുക്കാൻ കഴിവുള്ള എല്ലാ മുസ്‌ലിമും അത് നിർവഹിക്കണം.

ഒരു വീട്ടിൽ ഒന്നിൽ കൂടുതൽ ആളുകളുണ്ടെങ്കിൽ എല്ലാവർക്കും സുന്നത്ത് കിഫായയാണ്. അവരിൽ പെട്ട മേൽപറഞ്ഞ വിശേഷണങ്ങളുള്ള ഒരാൾ ചെയ്താൽ എല്ലാവരുടേയും ബാധ്യത ഒഴിവാകും. പക്ഷേ അറുക്കുന്ന ആൾ പ്രതിഫലത്തിൽ മറ്റുള്ളവരെയും പങ്കുചേർത്തില്ലെങ്കിൽ അവനു മാത്രമേ കിട്ടൂ. പ്രതിഫലത്തിൽ മറ്റുള്ളവരെ പങ്കുചേർക്കാൻ അവന് പറ്റുമെന്ന് നിഹായ പോലുളള കിതാബുകളിൽ നിന്ന് മനസ്സിലാക്കാം. നിഹായ 8/11-ൽ പറയുന്നു: അറുക്കുന്നവന് മറ്റുള്ളവരെ കൂലിയിൽ പങ്കുചേർക്കാം. കാരണം നബി(സ്വ) മിനയിൽ വെച്ച് തന്റെ പത്‌നിമാർക്കുവേണ്ടി ഒരു പശുവിനെ ബലിയറുത്തു. ഞങ്ങളിൽ ഒരാൾ തനിക്കും തന്റെ കുടുംബത്തിനും വേണ്ടി ബലിയറുക്കാറുണ്ടായിരുന്നു എന്ന് അബൂഅയ്യൂബുൽ അൻസ്വാരി(റ) എന്ന സ്വഹാബിയിൽ നിന്ന് സ്വഹീഹായ പരമ്പര വഴി റിപ്പോർട്ട് ചെയ്യപ്പെട്ടിട്ടുമുണ്ട്.

ഒരു വീട്ടുകാർ എന്നാൽ സാധാരണക്കാരുടെ കാഴ്ചപ്പാടിൽ ഒറ്റ വീട്ടുകാർ എന്ന് പറയപ്പെടുന്നവരാണെന്നാണ് പണ്ഡിത പരാമർശങ്ങളിൽ നിന്ന് ഗ്രഹിക്കാനാവുക. അവരിൽ ചിലർ താൻ ചെലവിന് കൊടുക്കൽ നിർബന്ധമില്ലാത്തവരാണെങ്കിലും ഒരാൾ ചെയ്താൽ മതിയാകുമെന്നാണ് സുന്നത്ത് കിഫായത്ത് എന്നതിന്റെ താൽപര്യമെന്ന് ശറഹുൽ ഇർശാദിൽ പറഞ്ഞുകാണാം. അതു തന്നെയാണ് ഇവിടെയും അവലംബിക്കേണ്ടത് (ശർവാനി 9/348).

ബലികർമം ഉദ്ദേശിക്കുന്നവന് സുന്നത്തായ കാര്യങ്ങൾ എന്തല്ലാം

നഖം, മുടി, രക്തം, ശരീരത്തിന്റെ മറ്റേതെങ്കിലും ഭാഗങ്ങൾ എന്നിവ ദുൽഹിജ്ജ ഒന്നുമുതൽ അറവു കഴിയുന്നത് വരെ നീക്കാതിരിക്കൽ സുന്നത്താണ് (രക്തത്തിന്റെ കാര്യത്തിൽ ചില പണ്ഡിതർക്ക് അഭിപ്രായ വ്യത്യാസമുണ്ട്). ഇവയെല്ലാം നീക്കൽ ഹറാമാണെന്ന അഭിപ്രായക്കാരുമുണ്ട്. ഇമാം അഹ്മദുബ്‌നു ഹമ്പൽ(റ) ഈ അഭിപ്രായക്കാരനാണ്. എന്നാൽ നീക്കേണ്ട ആവശ്യം നേരിട്ടാൽ ഈ നിയമം ബാധകമല്ല. കട്ടവന്റെ കൈ മുറിക്കൽ പോലെ നിർബന്ധവും കുട്ടിയുടെ ചേലാകർമം പോലെ സുന്നത്തും വേദനയുള്ള പല്ലുപറിക്കൽ പോലെ ഹലാലുമാകുന്നത് ഉദാഹരണം.

ഒരാൾക്ക് ഒന്നിൽ കൂടുതൽ ഉള്ഹിയ്യത്ത് ഉണ്ടെങ്കിൽ പ്രബലമായ അഭിപ്രായമനുസരിച്ച് ആദ്യത്തേതിനെ അറുക്കുന്നതോടെ കറാഹത്ത് നീങ്ങുമെങ്കിലും എല്ലാം അറുക്കുന്നതുവരെ ഒന്നും നീക്കാതിരിക്കലാണ് ഉത്തമം (ശർവാനി 9/348).

ഉള്ഹിയ്യത്ത് മൃഗങ്ങൾ ഏവ

മനുഷ്യൻ വളർത്തുന്ന പശുവർഗം, ഒട്ടകം, ആട് എന്നിവയല്ലാതെ മറ്റൊന്നും ഉള്ഹിയ്യത്തിന് പറ്റുകയില്ല (തുഹ്ഫ 9/234). നെയ്യാട് വർഗത്തിൽ പെട്ടതാകുമ്പോൾ ഒരു വയസ്സ് പൂർത്തിയാവുകയോ അല്ലെങ്കിൽ ആറുമാസത്തിന് ശേഷം സ്വാഭാവികമായി പല്ല് പറിയുകയോ ചെയ്താൽ അതുമതിയാകും. ആണാടും പെണ്ണാടും മതിയാകുമെങ്കിലും കൂടുതലായി ഇണചേരുന്ന ആണാടിനേക്കാൾ നല്ലത് പെണ്ണാടാണ്. കോലാടാണെങ്കിൽ രണ്ടു വയസ്സ് പൂർത്തിയാകണം.

ഒരാട് ഒരാൾക്കേ ഉള്ഹിയ്യത്താക്കാൻ പറ്റൂ. എന്നാൽ കൂലിയിൽ മറ്റുള്ളവരെയും പങ്കുചേർക്കാം. നബി(സ്വ) രണ്ടാടുകളെ അറുക്കുകയും അല്ലാഹുവേ, മുഹമ്മദ് നബിയിൽ നിന്നും സമുദായത്തിൽ നിന്നും നീ ഇത് സ്വീകരിക്കണമെന്ന് ദുആ ചെയ്യുകയുമുണ്ടായി (ബാജൂരി 558).

അറുക്കപ്പെടുന്ന ജീവി നിശ്ചിതമാക്കൽ നിർബന്ധമാണ്. രണ്ടാളുകൾ ചേർന്ന് രണ്ടാടുകളെ വാങ്ങുകയും ഓരോരുത്തരുടേത് ഇന്ന ആടാണെന്ന് തിട്ടപ്പെടുത്താതെ അറുക്കുകയും ചെയ്താൽ അത് ഉള്ഹിയ്യത്തായി പരിഗണിക്കുകയില്ല. നമ്മുടെ നാടുകളിൽ സംഘടിതമായി അറുക്കുന്ന ഉള്ഹിയ്യത്തിൽ വളരെ ശ്രദ്ധിക്കേണ്ട കാര്യമാണിത്. കുറേ മൃഗങ്ങളെ ഒരു സംഘമാളുകൾ പണം മുടക്കി വാങ്ങികൊണ്ടുവന്ന് അതിൽ നിന്ന് ഇന്ന മൃഗം ഇന്ന ആളുടേതെന്ന് കണക്കാക്കി വില നിശ്ചയിക്കാതെ മൊത്തം വില നിശ്ചയിച്ച് ഓഹരി ചെയ്താൽ ശരിയാവുകയില്ല.

പശു (ഇതിൽ കാള, പോത്ത്, എരുമ എന്നിവയെല്ലാം പെടും) ഒട്ടകം എന്നിവ ഒരാൾ മുതൽ ഏഴാൾക്ക് വരെ മതിയാകും. സ്വന്തമായി ഒരാടിനെ അറുക്കലാണ് ഒരു ഒട്ടകത്തിലോ മറ്റോ പങ്കുചേരുന്നതിനേക്കാൾ നല്ലത്. പങ്കുചേരുന്ന വിഹിതം ഒരാടിനേക്കാൾ കൂടുതലായാലും ശരി.

ഒന്നിൽ കൂടുതൽ ആളുകൾ ഒരു ജീവിയിൽ പങ്കുചേരുമ്പോൾ ഓരോരുത്തരുടെയും വിഹിതത്തിൽ നിന്ന് ഒരു ഫഖീറിനെങ്കിലും സ്വദഖ ചെയ്യൽ നിർബന്ധമാണ്. ആരുടെയെങ്കിലും വിഹിതത്തിൽ നിന്ന് ഒരു ഫഖീറിനെങ്കിലും സ്വദഖ കിട്ടിയില്ലെങ്കിൽ അയാളുടെ ഉള്ഹിയ്യത്ത് വീടുകയില്ല. ബാക്കിയുള്ളവരുടേതിന് കുഴപ്പമില്ല. കാരണം ഓരോ ഓഹരിയും ഓരോ ഉള്ഹിയ്യത്തായാണ് പരിഗണിക്കുക.

ഒന്ന് കൊണ്ട് അവസാനിപ്പിക്കാൻ ഉദ്ദേശിക്കുമ്പോൾ ഒരു ഒട്ടകമാണ് നല്ലത്. പിന്നെ പശു, അതുകഴിഞ്ഞാൽ നെയ്യാട്, ശേഷം കോലാട്. ഒരു ഒട്ടകത്തെയോ ഒരു പശുവിനെയോ അറുക്കുന്നതിനേക്കാൾ നല്ലത് ഏഴ് ആടുകളെ അറുക്കലാണ്. ഒട്ടകത്തിൽ ഒരു വിഹിതം ചേരുന്നതിനേക്കാൾ നല്ലത് ഒരു ആടിനെ അറുക്കലും.

ആരാണ് അറുക്കേണ്ടത്

കഴിയുമെങ്കിൽ പുരുഷന്മാർ സ്വന്തം ഉള്ഹിയ്യത്ത് അറുക്കലാണ് സുന്നത്ത്. പുരുഷന്മാരല്ലാത്തവർ മറ്റുള്ളവരെ ഏൽപ്പിക്കലാണ് നല്ലത്. അറുക്കാൻ പ്രയാസമായവരും മറ്റുള്ളവരെ ഏൽപ്പിക്കലാണ് സുന്നത്തെന്നും അതുപോലെ അന്ധനും അറുക്കൽ കറാഹത്തുള്ളവനും ഏൽപ്പിക്കൽ ശക്തിയായ സുന്നത്താണെന്നും ഇമാം അദ്‌റഈ(റ) പറഞ്ഞിരിക്കുന്നു (ശർവാനി 9/348).

നിയ്യത്ത് എങ്ങനെയാവണം

ഉള്ഹിയ്യത്ത് അറുക്കാൻ നേർച്ച ചെയ്ത് മാറ്റിവെച്ച മൃഗത്തെ അറുക്കുമ്പോൾ വേറെ നിയ്യത്ത് നിർബന്ധമില്ല. താഴെ പറയുന്നവയിൽ അറുക്കുന്ന സമയത്തോ നേർച്ചയാക്കിയത് ഇതാണെന്ന് തീരുമാനിക്കുമ്പോഴോ നിയ്യത്ത് നിർബന്ധമാണ്.

1. ഇത് ഉള്ഹിയ്യത്താണെന്ന് പറയൽകൊണ്ട് നിർബന്ധമായ ജീവി.

2. നേരത്തെ മൃഗം ഏതെന്ന് നിർണയിക്കാതെ ഉള്ഹിയ്യത്ത് അറുക്കുമ്പോൾ നേർച്ചയാക്കുകയും പിന്നീട് നിശ്ചയിക്കപ്പെട്ട ആ ജീവി ഇതാണെന്ന് തീരുമാനിക്കപ്പെടുകയും ചെയ്തത്.

3. സുന്നത്തായ ഉള്ഹിയ്യത്ത് മൃഗം.

അറുക്കാൻ വക്കാലത്താക്കിയിട്ടില്ലെങ്കിലും വകതിരിവുള്ള ഒരു മുസ്‌ലിമിനെ നിയ്യത്ത് ചെയ്യാൻ ഏൽപ്പിക്കാവുന്നതാണ്. അറുക്കാൻ വേണ്ടി ഒരാളെ ഏൽപ്പിക്കുകയാണെങ്കിൽ ഏൽപ്പിക്കുന്നവൻ നിയ്യത്ത് ചെയ്താൽ മതി, ഏൽപ്പിക്കപ്പെട്ടവൻ നിയ്യത്ത് ചെയ്യണമെന്നില്ല (ബാജൂരി 557).

ബലി മൃഗത്തെ നിർണയിക്കുന്പോൾ

അല്ലാഹുവിന് വേണ്ടി ഈ ജീവിയെ ബലിയറുക്കൽ നിർബന്ധമാണ് എന്നോ അല്ലെങ്കിൽ ഇതിനെ ഞാൻ ഉള്ഹിയ്യത്ത് ആക്കി എന്നോ അല്ലെങ്കിൽ ഇത് ബലിമൃഗമാണ് എന്നോ ഒരാൾ പറഞ്ഞാൽ ആ മൃഗത്തിൽ നിന്ന് അവന്റെ ഉടമസ്ഥാവകാശം നീങ്ങുന്നതാണ്. മൃഗം ന്യൂനതകളുള്ളതാണെങ്കിലും ശരി. എന്നാൽ ബലിയറുക്കാൻ പറ്റാത്ത മാൻ പോലുള്ളവക്ക് ഈ നിയമം ബാധകമല്ല. ഉടമാവകാശം നീങ്ങിയ ജീവിയെ ബലിയറുക്കേണ്ട സമയത്ത് അറുക്കൽ നിർബന്ധാണ്. ബലി കർമത്തിന് ഉപയോഗിക്കാവുന്ന ജീവിയിൽ അതിന്റെ സാധുതയെ തടയുന്ന വല്ലതും പിന്നീടുണ്ടായാലും ഇതുതന്നെയാണ് നിയമം (തുഹ്ഫ 9/355).

നേരത്തെ പറഞ്ഞതു മനസ്സിൽ കരുതുന്നത് കൊണ്ട് പ്രയോജനമില്ല. ഉച്ചരിക്കുക തന്നെ വേണം. അങ്ങനെ ഉച്ചരിച്ചു കഴിഞ്ഞാൽ അതിനു വിപരീതമായി മനസ്സിൽ കരുതുന്നതിന് കുഴപ്പമില്ല. ഈ ജീവി ബലിയർപ്പിക്കാനുള്ളതാണെന്ന് ഒരാൾ പറയുകയും പിന്നീട് അത് സുന്നത്തായ ബലികർമമാണ് എന്നാണ് ഞാൻ കരുതിയത് എന്ന് പറയുകയും ചെയ്താൽ അതു സ്വീകരിക്കാമെന്ന് ഇമാം അദ്‌റഈ(റ) പറഞ്ഞുകാണാം.

അറവു മൃഗത്തെ തിട്ടപ്പെടുത്താതെ ബലികർമം നേർച്ചയാക്കുകയും പിന്നീട് ഇതാണ് ആ നേർച്ച മൃഗമെന്ന് നിശ്ചയിക്കുകയും ചെയ്താൽ അതിനെ നേർച്ചയാക്കിയതിനു ശേഷം വരുന്ന ബലിയറുക്കേണ്ട ആദ്യ സമയങ്ങളിൽ തന്നെ അറുക്കൽ നിർബന്ധമാണ്. നേർച്ചയാക്കിയവർ സമയം നിർണയിച്ച് ബലികർമം സ്വയം ഏറ്റെടുത്ത് നിർബന്ധമാക്കി എന്നതിനാലും അറുക്കപ്പെടുന്ന ജീവികളുടെ വ്യത്യാസമനുസരിച്ച് അതു കൊണ്ടുള്ള ഉപകാരത്തിലും വ്യത്യാസം ഉണ്ടാകുമെന്നതിനാലുമാണ് അതിനെ ആ സമയത്തു തന്നെ അറുക്കണമെന്നു പറഞ്ഞത്.

പണം സകാത്തായി കൊടുക്കുമ്പോൾ അത് നിശ്ചിത നോട്ടുകളോ നാണയങ്ങളോ ആകുന്നതിന് പ്രസക്തിയില്ലാത്തതിനാൽ ഒരാൾ ഞാൻ ഈ നാണയങ്ങൾ സകാത്ത് കൊടുക്കുമെന്ന് തീരുമാനിച്ചാലും അതു തന്നെ കൊടുക്കണമെന്നില്ല. എന്നാൽ ബലിയറുക്കപ്പെടുന്ന ജീവി അങ്ങനെയല്ല. നിശ്ചിത മൃഗത്തെ തന്നെ അറവു നടത്തണം.

എന്നാൽ ഒരാൾ ബലികർമത്തിന് തടസ്സമായ ന്യൂനതയുള്ള ജീവിയെ അറുക്കാൻ സ്വയം നിർബന്ധമാക്കിയാൽ അതു തന്നെ അറുക്കണമെന്നില്ല. എന്നല്ല, ന്യൂനതയില്ലാത്തതിനെ അറുക്കലാണ് ഏറ്റവും ഉത്തമം (നിഹായ 78).

മൃഗം നഷ്ടപ്പെട്ടാൽ

ബലികർമത്തിനു വേണ്ടി നിശ്ചയിക്കപ്പെട്ടതോ, അതിനു വേണ്ടി നേർച്ചയാക്കിയതോ ആയ ജീവി ഉടമസ്ഥന്റെ അശ്രദ്ധയും വീഴ്ചയുമില്ലാതെ നഷ്ടപ്പെട്ടാൽ അവൻ പകരം ഒന്നും ചെയ്യൽ നിർബന്ധമില്ല. എന്നാൽ അവന്റെ കുഴപ്പം കൊണ്ടാണ് നഷ്ടപ്പെട്ടതെങ്കിൽ അതിന്റെ വില, അതു പോലോത്ത ഒരു ജീവി എന്നിവയിൽ ഏതാണോ വില കൂടുതൽ അത് അവന്റെ മേൽ നിർബന്ധമാകും (ബാജൂരി 357).

വില നിർബന്ധമാകുന്ന ഘട്ടത്തിൽ, നഷ്ടപ്പെട്ട ദിവസം അതിന് കിട്ടുന്ന വിലയ്ക്ക് നഷ്ടപ്പെട്ട ജീവിയുടെ പ്രായത്തിലും ഇനത്തിലുമുള്ള ഒരു മൃഗത്തെ വാങ്ങി ബലിയുടെ സമയത്ത് തന്നെ അറുക്കൽ നിർബന്ധമാണ് (തുഹ്ഫ 358).

വീഴ്ച കൂടാതെ നഷ്ടപ്പെട്ടാൽ അതിനെ അന്വേഷിച്ച് കണ്ടുപിടിക്കാൻ കാര്യമായ തുക ചിലവാകുമെങ്കിൽ അന്വേഷിക്കൽ അവനു നിർബന്ധമില്ല. അറുക്കേണ്ട സമയമായതിനു ശേഷം അറവ് അകാരണമായി പിന്തിപ്പിക്കുകയും പിന്നീട് മൃഗത്തിന്റെ ജീവൻ നഷ്ടപ്പെടുകയും ചെയ്താൽ അത് അവന്റെ പക്കൽ നിന്നുള്ള വീഴ്ചയാണ്. നേരെ മറിച്ച് വഴി തെറ്റിപ്പോയാൽ അത് വീഴ്ചയല്ല.

എന്നാൽ വീഴ്ച കാരണത്താൽ മൃഗം വഴി തെറ്റിപ്പോയാൽ പണം ചിലവഴിച്ചെങ്കിലും അതിനെ അന്വേഷിക്കൽ നിർബന്ധമാണ്. അറവിനുള്ള സമയം തീരുന്നതിന് മുമ്പ് അതിനെ കിട്ടുകയില്ലെന്ന് അറിഞ്ഞാൽ മറ്റൊരു ജീവിയെ അറുക്കൽ നിർബന്ധം. നഷ്ടപ്പെട്ട മൃഗത്തെ പിന്നീട് കിട്ടിയാൽ അതിനെയും അറുക്കൽ നിർബന്ധമാണ് (ശർവാനി 357).

ന്യൂനത സംഭവിച്ചാല് എന്ത് ചെയ്യണം

ഒരാൾ ഒരു ആടിനെ വാങ്ങി ഉള്ഹിയ്യത്തിനായി നിശ്ചയിക്കുകയും വാങ്ങുന്നതിന് മുമ്പ് തന്നെയുള്ള ന്യൂനത അതിൽ പിന്നീട് കണ്ടെത്തുകയും ചെയ്താൽ അതിനെ തിരിച്ചു കൊടുക്കാൻ പാടില്ല. പക്ഷേ, ന്യൂനതക്കുള്ള നഷ്ടപരിഹാരം വിറ്റ ആളിൽ നിന്ന് വാങ്ങുവാൻ അവകാശമുണ്ട്. ആ ജീവിയെ തന്നെ അറുക്കൽ നിർബന്ധവുമാണ്. ഉള്ഹിയ്യത്തിന് വേണ്ടി നേരത്തെ നിശ്ചയിച്ച ഒരു ജീവിയിൽ ന്യൂനത ഉണ്ടാക്കിയാൽ അതിനെയും ന്യൂനത ഇല്ലാത്ത മറ്റൊന്നിനെയും അറുക്കൽ നിർബന്ധമാണ്.

എന്നാൽ ഈ ജീവിയിൽ ന്യൂനത സ്വമേധയാ ഉണ്ടായതാണെങ്കിൽ അതു തന്നെയാണ് ഉള്ഹിയ്യത്ത്. മറ്റൊന്നും അവന്റെ മേൽ നിർബന്ധമില്ല. ഏതെങ്കിലും ഒരു മൃഗത്തെ ഉള്ഹിയ്യത്ത് അറുക്കാൻ നേർച്ചയാക്കുകയും പിന്നീട് നേർച്ച മൃഗം ഇന്നതാണെന്ന് നിശ്ചയിക്കുകയും ചെയ്തു. തുടർന്ന് ആ ജീവിയിൽ ന്യൂനത ഉണ്ടാക്കുകയോ അല്ലെങ്കിൽ ന്യൂനത സ്വയം ഉണ്ടാകുകയോ അതുമല്ലെങ്കിൽ ആ ജീവി സ്വയം നശിക്കുകയോ അല്ലെങ്കിൽ ഓടിപ്പോവുകയോ ചെയ്താൽ ന്യൂനത ഇല്ലാത്ത ഒരു ജീവിയെ പകരം അറുക്കൽ നിർബന്ധമാണ് (തുഹ്ഫ 357).

അറുക്കേണ്ട സമയം എപ്പോൾ

സൂര്യോദയത്തിന് ശേഷം ചുരുങ്ങിയ രൂപത്തിലുള്ള രണ്ട് ഖുതുബയുടെയും രണ്ട് റക്അത്ത് നിസ്‌കാരത്തിന്റെയും സമയം കഴിയലോടു കൂടി അറവിന്റെ സമയമാകുന്നതാണ്. എന്നാൽ സൂര്യൻ ഏകദേശം ഏഴു മുഴം ഉയർന്ന് ഈ പറഞ്ഞ സമയം കഴിഞ്ഞതിന് ശേഷം അറുക്കലാണ് ഏറ്റവും നല്ലത് (തുഹ്ഫ 354).

എങ്ങനെയാവണം വിതരണം

ഞാൻ നിനക്ക് ഉടമയാക്കിത്തരുന്നു എന്ന പദപ്രയോഗം ഇല്ലാതെയാണെങ്കിലും അറുക്കപ്പെട്ട ജീവിയിൽ നിന്ന് അൽപം ദാനം ചെയ്യൽ നിർബന്ധമാണ്. എന്നാൽ കൊടുക്കുന്നത് വളരെ നിസ്സാരമായ ഒരു ഭാഗമായാൽ മതിയാവുകയില്ല. മാംസം വേവിക്കാതെ തന്നെ കൊടുക്കൽ നിർബന്ധമാണ് (നിഹായ 119,120).

അറവു നടത്തുന്ന ഉടമക്കു മാംസം സൂക്ഷിച്ചു വെക്കൽ അനുവദനീയമാണ്. അത് മാംസത്തിനു വില കൂടിയ സമയത്താണെങ്കിലും ശരി.

മൃഗത്തിന്റെ നിബന്ധനകൾ

മാംസത്തിനു കുറവു വരുത്തുന്ന ന്യൂനതയുള്ളതും അംഗ വൈകല്യമുള്ളതും മതിയാവുകയില്ല. അറുക്കാൻ വേണ്ടി തള്ളിയിടുന്ന സമയത്ത് കാൽ മുറിയൽ പോലുള്ള വൈകല്യങ്ങൾ സംഭവിച്ചാലും അത് പറ്റുകയില്ല (ബാജൂരി 560).

എന്നാൽ ന്യൂനതയുള്ളതോ, പ്രായം തികയാത്തതോ ആയ ജീവിയെ ഒരാൾ നേർച്ചയാക്കിയാൽ ഉള്ഹിയ്യത്ത് അറുക്കേണ്ട സമയത്ത് അതിനെ അറുക്കലും ഉള്ഹിയ്യത്ത് മാംസം വിനിയോഗിക്കുന്നതു പോലെ വിതരണം ചെയ്യുകയും വേണം. എന്നാൽ അത് ഉള്ഹിയ്യത്തായി വീടുകയില്ല. ന്യൂനതയില്ലാത്ത ഒരു ജീവിയെ നേർച്ചയാക്കുകയും പിന്നീട് അതിൽ ന്യൂനത ഉണ്ടാകുകയും ചെയ്താൽ അതിനെ ഉള്ഹിയ്യത്ത് അറുക്കണം. ഉള്ഹിയ്യത്തിന്റെ നിയമങ്ങൾ അതിനു ബാധകവുമാണ് (തുഹ്ഫ 351).

ഉള്ഹിയ്യത്തിന്റെ മാംസം ഭക്ഷിക്കൽ

നിർബന്ധമായ ഉള്ഹിയ്യത്ത് പൂർണമായി ദാനം ചെയ്യണം. അതിൽ നിന്ന് ഉള്ഹിയ്യത്ത് അറുത്തവനും അവൻ ചിലവു കൊടുക്കൽ നിർബന്ധമായവരും തിന്നൽ ഹറാമാണ്. അതുപോലെ സമ്പന്നന്മാർക്ക് കൊടുക്കലും ഹറാം. എന്നാൽ സുന്നത്തായ ഉള്ഹിയ്യത്താണെങ്കിൽ ബറകത്തിനു വേണ്ടി അതിൽ നിന്ന് അൽപം കഴിക്കലും അത് കരളിൽ നിന്നാകലും ആകെ മാംസത്തിന്റെ മൂന്നിലൊന്നിൽ കൂടാതിരിക്കലും സുന്നത്തുണ്ട്. സുന്നത്തായ ഉള്ഹ

എന്റെ വഫിയ്യ അനുഭവങ്ങൾ

12 വർഷം മുമ്പാണ് ഇസ്‌ലാം എന്റെ ജീവിതത്തിലേക്ക് കടന്ന് വന്നത്, അല്ല ഞാൻ ഇസ്ലാമിന്റെ ലോകത്തേക്ക്  കടന്ന് വന്നത്. ഒരു വ്യാഴവട്ടം എന്നൊക്കെ നമ്മൾ പറയാറില്ലേ, അത്രയും കാലം കഴിഞ്ഞാണ് കേരളത്തിലെ പാരമ്പര്യ മുസ്ലിംകളുടെ ഒരു ഔദ്യോഗിക ചടങ്ങിൽ പങ്കെടുക്കുന്നത്.

കേരള ചരിത്രത്തിലെ ഒന്നാമത്തെ വാഫിയ സനദ് ദാന സമ്മേളനത്തിൽ പങ്കാളിയാക്കാൻ എനിക്ക് അവസരം ലഭിച്ചത് അപ്രതീക്ഷിതമായായിരുന്നു. ആ സ്ഥാപനത്തെ കുറിച്ചോ ആ  സംവിധാനത്തെക്കുറിച്ചോ ഞാൻ അധികം കേട്ടിരുന്നില്ല. 

അവിചാരിതമായ ചില സോഷ്യൽ മേഖലാ ചർച്ചകളിലൂടെയും അശ്വിനി റ്റീച്ചറുടെ പോസ്റ്റിലൂടെയുമാണ് ഞാൻ താമസിക്കുന്നതിന് ഏറെയൊന്നും അകലെയല്ലാതെ ഇങ്ങനെയൊരു സ്ഥാപനമുണ്ടെന്നും വനിതാ സമ്മേളനം നടക്കുന്നതും അറിഞ്ഞത്.

മനസ്സിൽ ആരോടും പ്രത്യേക വിധേയത്വമോ വിദ്വേഷമോ ഇല്ലാത്തതിനാൽ ഏത് പ്ലാറ്റ്‌ഫോമിലും ഉള്ള ഇസ്‌ലാമിക സംരംഭത്തെയും തൊട്ടറിയാൻ ഒരു വെമ്പലുണ്ട്. അതെന്നെ എത്തിച്ചത് ഒരു മഹത്തായ സംരഭത്തിലേക്കാണ്

ചെറിയ പനി ഉണ്ടായിരുന്നെങ്കിലും അത് അവഗണിച്ച് സമ്മേളനത്തിൽ പങ്കാളിയാകാൻ തന്നെ തീരുമാനിച്ചു.അൽഹംദുലില്ലാഹ്.

വളാഞ്ചേരി മർക്കസ് എന്ന പ്രശസ്തമായ സ്ഥാപനത്തിലെ പെണ് കാമ്പസിൽ  ഞാൻ പങ്കുകൊള്ളാൻ  പോകുന്ന സംരംഭത്തെക്കുറിച്ച് അവ്യക്തമായ ചില സങ്കല്പങ്ങൾ മാത്രമേ മനസ്സിലുള്ളൂ. 

മുമ്പൊരിക്കലും ഇത് പോലൊന്നിൽ സംബന്ധിച്ചിട്ടില്ല.എന്റെ പതിമൂന്ന് വർഷത്തെ ഇസ്‌ലാമിക് ജീവിതത്തിൽ ഞാൻ സുന്നി ഇതര സംവിധാനങ്ങളിലെ വനിതാ സംരംഭങ്ങളിലേ പങ്കെടുത്തിരുന്നുള്ളൂ.

അതിനാൽ തന്നെ എനിക്ക് അജ്ഞാതമായിരുന്ന ബഹുഭൂരിപക്ഷം വരുന്ന സുന്നീ സമൂഹത്തിലെ സ്ത്രീജനങ്ങളുടെ ദീനീ സംരംഭങ്ങളെ കുറിച്ച് എനിക്ക് ആശങ്കയുണ്ടായിരുന്നു,

മദ്രസാ വിദ്യാഭ്യാസം കഴിഞ്ഞ് കുടുംബ ജീവിതത്തിലേക്ക് മാത്രം തളക്കപ്പെടുന്നു എന്ന് ഞാൻ ധരിച്ച അവരുടെ ഇസ്‌ലാമിൽ എനിക്ക് വേവലാതി ഉണ്ടായിരുന്നു,

അവരുടെ കഴിവുകൾ അടിച്ചമർത്തപ്പെടുന്നു,  അവർക്ക് ദീനീ അവബോധം ലഭിക്കുന്നില്ല എന്നിത്യാദി യുള്ള എന്റെ മുൻവിധികളെ മാറ്റാനുതകുന്ന പല കാഴ്ച്ചകളും കാണും എന്ന് ഞാൻ വലുതായൊന്നും പ്രതീക്ഷിച്ചില്ല.

ചുറ്റുമതിലിനുള്ളിൽ വിശാലമായ വഫിയ്യ കാമ്പസ് എന്നെ സ്വാഗതം ചെയ്തു.

ഒരു വാഫി ഉസ്താദിനെ ബന്ധപ്പെട്ടായിരുന്നു ഞാൻ സമ്മേളന നഗരിയിൽ എത്തിയത്.

എന്നാൽ പുരുഷന്മാർക്ക് പ്രവേഷനമില്ലാത്തതിനാൽ അദ്ദേഹം ഫോണിൽ സമ്മേളന നഗറിയിലുള്ളവരെ ബന്ധപ്പെടുത്തി തന്നു.

ഞാൻ സ്റ്റേജിൽ നിന്ന് അകലെയായി പുറകിൽ ഒരു കസേരയിൽ സ്ഥാനം പിടിച്ചു. പ്രൗഢമായ വേദി വീക്ഷിച്ചു. 

'അടുക്കളയിൽ നിന്നും അരങ്ങത്തേക്ക്' എന്ന ചൊല്ലിനെ അനുസ്മരിപ്പിക്കും  വിധം വിപ്ലവകരമായ ഒരു  ചുവടുവെപ്പിന്റെ ലോകമായിരുന്നു അത്. 

കേരളത്തിലെ മുസ്ലിം വനിതകളുടെ ചരിത്രത്തിൽ എഴുതിച്ചേർക്കേണ്ട ഒരു ദിവസത്തിലാണ് ഞാൻ അവിടെ എത്തിയത് എന്ന് ഞാൻ തിരിച്ചറിഞ്ഞു.

111 യുവ ആലിമത്തുകൾക്ക് സനദ് കൊടുക്കുന്ന ദിവസമായിരുന്നു അത്.

വേദിയിൽ നിരന്നിരിക്കുന്ന പാണക്കാടിന്റെ സയ്യിദത്തുമാർ, 

എനിക്ക് തോന്നുന്നു അവരുടെ  കുടുംബങ്ങളുടെ സംഗമങ്ങൾക്കല്ലാതെ ഇത്രയും സെയ്യിദത്തുമാർ ഒരു വേദി അലങ്കരിക്കുന്നത് ആദ്യമായായിരിക്കും.

എന്നെ തിരഞ്ഞു വന്ന് ഒരു സഹോദരി മുന്നോട്ടിരിക്കാം എന്ന് പറഞ്ഞു കൂട്ടിക്കൊണ്ടു പോയി, ഞങ്ങൾ മുന്നോട്ട് നടന്നപ്പോൾ മുന്നിൽ ഒഴിവുള്ള ഇടങ്ങളിൽ ഇരുത്താനാണെന്നാണ് ആദ്യം കരുതിയത്. പക്ഷേ അവരെന്നെ വേദിയിലേക്കാണ് കൊണ്ടു പോയത്. ആദ്യം ഒന്ന് അമ്പരന്നെങ്കിലും ഒരു സൗഭാഗ്യമായി ഞാൻ കരുതി. 

  ചടങ്ങിൽ എന്നെ ഏറ്റവും അത്ഭുതപ്പെടുത്തിയത് സ്ത്രീകളുടെ സംഘാടന മികവാണ്. പുരുഷന്മാരുടെ യാതൊരു ഇടപെടലുമില്ലാതെ സ്ത്രീകൾ പൂർണമായും നിയന്ത്രണം ഏറ്റെടുത്ത ആ സമ്മേളന നഗരി എനിക്ക് നവ്യമായ അനുഭൂതിയാണ് പ്രധാനം ചെയ്തത്.

എത്ര മനോഹരമായാണ് അവർ സംഘാടനം നടത്തിയത്.  സ്ത്രീ ജനങ്ങളിൽ ഉറങ്ങിക്കിടക്കുന്ന എത്രയെത്ര മികവുകളാണ് പുറത്ത് വരുന്നത്. ഇത്തരം ക്രിയാത്മക സംരംഭങ്ങൾ  സ്വയം പര്യാപ്തത വർദ്ധിപ്പിച്ചു കൊണ്ടേയിരിക്കുന്നു. കുഞ് ആണ്കുട്ടികളായിരുന്നു ആകെയുള്ള പുരുഷ സാന്നിധ്യം .

ഉമ്മത്തിന്റെ അടിത്തറ ഉമ്മയുടെ മടിത്തട്ടാണ് എന്ന് ഓർമിപ്പിച്ചതോടൊപ്പം പെണ്ണിനെ ഉപഭോഗവസ്തുവാക്കിയ കമ്പോളവത്കരണത്തെ കുറിച്ചും വസ്ത്രസ്വാതന്ത്രത്തെ കുറിച്ചും മനോഹരമായി വാഫിയ സഹോദരി സംസാരിച്ചു. 

എന്റെ മുൻവിധികൾ ആകെ മാറി, മനോഹരമായ ഭാഷയിൽ, കാമ്പുള്ള ആ സംസാരം, തുടർന്നുള്ള ഓരോ സംസാരവും എന്നെ ആദ്‌ഭുതപ്പെടുത്തി.

അടിച്ചമർത്തപ്പെടുന്നു എന്നും, കഴിവുകൾ പോഷിപ്പിക്കാതെ വീട്ടിലടക്കുന്നു എന്നും സമൂഹം വിധിയെഴുതിയ സുന്നീ പെണ് കുട്ടികളാണ്, അവരുടെ ശാന്തമായി എന്നാൽ തീവ്രമായി ഒഴുകുന്ന വാഗ്ദോരണികൾക്ക് മുന്നിലാണ് ഞാൻ, 

ഇന്ന് 

എല്ലാ സദസിലും സ്ത്രീപീഡനത്തെ കുറിച്ച് സംസാരിക്കുമ്പോൾ ഇവിടെ പുരുഷ പീഢനത്തെ കുറിച്ചാണ് അവിടെ  സംസാരിച്ചത് എന്ന് തമാശയായിക്കുറിക്കട്ടെ, സ്ത്രീയുടെ സ്വത്വം വിളിച്ചറിയിക്കുന്ന അപൂർവ്വം ഇടങ്ങളിൽ ഒന്ന്.

ഈ സ്ഥാപനത്തിന്റെ ഏറ്റവും വലിയ പ്രത്യേകത മതപഠനത്തോടൊപ്പം ഉയർന്ന നിലവാരമുള്ള  ഭൗതികപഠനവും ഒരു പോലെ മുന്നോട്ട് കൊണ്ടു പോകുന്നുവെന്നതാണ്. 

അഞ്ച് വർഷത്തെ കോഴ്സ് കഴിഞ്ഞ് പുറത്തിറങ്ങുമ്പോൾ കാലിക്കറ്റ് യൂണിവേഴ്സിറ്റിയുടെ ഒരു ഡിഗ്രിയും വാഫിയ സനദും കരസ്ഥമാക്കാൻ കഴിയും.

ആദ്യ കാലങ്ങളിൽ കൊഴിഞ്ഞു പോക്ക് ഉണ്ടായിരുന്നെങ്കിലും ഇപ്പോൾ വിദ്യാര്ഥിനികളുടെ പഠനത്തെ ബാധിക്കുന്ന തരത്തിലുള്ള  വിവാഹങ്ങൾക്ക് വരെ  നിയന്ത്രണമുണ്ട്.

സമ്മേളനത്തിന് ശേഷം കോളേജും ഹോസ്റ്റലും കാണാൻ പോയി.

നല്ല ഭംഗിയും വെടിപ്പും എല്ലാ ഭാഗവും കാണിച്ച് വിശദീകരിച്ച് തരാൻ 2 വിദ്യാർത്ഥിനികൾ എന്നോടൊപ്പമുണ്ടായിരുന്നു. 

ഓരോ വിദ്യാർത്ഥിനിയുടെയും പെരുമാറ്റം ആ സ്ഥാപനത്തോടുള്ള എന്റ ബഹുമാനം വർദ്ധിപ്പിച്ചു.കൂടുതൽ കാഴ്ചപ്പാടുണ്ടാക്കാൻ സഹായിച്ചു. 

പുതിയ തലമുറയിലെ മുസ്ലിം പണ്ഡിത വനിതകൾ സത്യത്തിൽ എന്നെ വിസ്മയിപ്പിച്ചു. 

അവർ ശരിയായ ഉമ്മയുടെ മടിത്തട്ടിൽ തന്നെയാണ് എത്തിയത്. 

എല്ലാവിധ സർഗാത്മകതയും പരിപോഷിപ്പിക്കാൻ കഴിയുന്ന രീതിയിലാണ് അവിടെയുള്ള ക്രമീകരണങ്ങൾ.

കലാ കയിക രംഗങ്ങളിൽ അവർ അവരുടേതായ ലോകം സൃഷ്ടിക്കുന്നു. പ്രസംഗവും ചർച്ചയും സംവാദവും ഓട്ടവും ചാട്ടവും ഗെയിംസും എഴുത്തും വായനയും  പെണ്ണിടങ്ങൾ സജീവമാണ്.

എല്ലാ നിലയിലും അവർ കരുത്തുറ്റവരാണ്.

അറബി,ഉറുദു, ഇംഗ്ലീഷ്‌, ഭാഷകളും സുപ്രസിദ്ധമായ ഖുർആൻ വ്യാഖ്യാന ഗ്രന്ഥങ്ങളും കർമശാസ്ത്ര വിഷയങ്ങളും സ്വായത്തമാക്കുന്ന ശാസ്ത്രീയവും പ്രായോഗികവുമായ പാഠ്യ പദ്ധതി.

ഉന്നത നിലവാരമുള്ളവരാണ് പഠിതാക്കളും അധ്യാപികമാരും.

ഹോസ്റ്റലിന്റെ ഏറ്റവും  വലിയ പ്രത്യേകത അവിടെ ഒരു വാർഡൻ അഥവാ മെന്റർ എന്ന തസ്തിക യോ അങ്ങനെയൊരു ആളോ അവിടെയില്ല. ഓരോ അദ്ധ്യാപികമാരും ഓരോ വിദ്യാർത്ഥിനികളും പരസ്പ്പരം മെന്റർമാരാണ്. കുടുംബ ജീവിതത്തിൽ ചിട്ടയും കൃത്യതയും ആർജ്ജിക്കാൻ ഇത് സഹായകമാവും. ജീവിതഗന്ധിയായ ഒരു സംവിധാനമായി എനിക്കാനുഭവപ്പെട്ടു.

  സർഗ്ഗാത്മകത തൊട്ടറിഞ്ഞത് അവരുടെ കൈയെഴുത്ത്  മാഗസിൻ കണ്ടപ്പോഴാണ്. 

ഞാൻ അത്ഭുതപ്പെട്ടു പോയി. അത്രയും മനോഹരമായിരുന്നു അതിലെ ഓരോ പേജുകളും. അതിന്റെ കവർ ഞാൻ ഫോട്ടോ എടുത്തു വെച്ചു. മനോഹരമായ അർത്ഥവത്തായ വരകളും വരികളും, 

ആ മാഗസിനുകൾ കണ്ടപ്പോൾ ഞാനും  അവിടെയൊരു വിദ്യാത്ഥിനിയായിരുന്നെങ്കിൽ എന്ന് ഞാൻ കൊതിച്ചു പോയി.

കോളേജ് ലൈബ്രറിയും ആകർഷണീയമാണ്. ഇംഗ്ളീഷ്, മലയാളം സാഹിത്യങ്ങൾ, മാഗസിനുകൾ, അറബി റഫറൻസ് ഗ്രന്ഥങ്ങൾ എന്നിവ തരം തിരിച്ചു വെച്ചിരിക്കുന്നു. നല്ല വായനാ ശീലമുള്ളവരാണ് കുട്ടികൾ, ഞാൻ എന്റെ ജീവിതം ചീന്തിയെഴുതിയ " സത്യത്തിലേക്ക് എന്റെ ജീവിത യാത്ര" എന്ന പുസ്തകം ഞാൻ ലൈബ്രറിയിൽ ഏല്പിച്ചു.

എൻട്രൻസ് എഴുതി മെറിറ്റിൽ പ്രവേശനം ലഭിക്കുന്നവർക്ക് വിദ്യാഭ്യാസം പൂർണ്ണമായും സൗജന്യമാണ്.

മറ്റുള്ളവർക്ക് ചുരുങ്ങിയ ചെലവ് ഉണ്ട് എന്നാണറിഞ്ഞത്.

അവിടുത്തെ പ്രിന്സിപ്പാളിനോടൊത്താണ് ഭക്ഷണം കഴിച്ചത്, നല്ല രുചികരമായ ഭക്ഷണം, എന്നെ പറ്റി ഒന്നുമറിയാത്ത ആ കുട്ടികൾ നൽകിയ  നല്ല പരിചരണം ഓർമ്മയിൽ തങ്ങി നിൽക്കും.

ജീവിതത്തിൽ ഒരിക്കലും കരുതാത്ത ഒരു സംരഭത്തിനും അവിടുത്തെ ഏറ്റവും അവിസ്മരണീയ മുഹൂർത്തത്തിനും സാക്ഷിയാവാൻ കഴിഞ്ഞു എന്നതിൽ വലിയ ചാരിതാർത്ഥ്യത്തോടെയും റബ്ബിനോട് നന്ദി യോടെയുമാണ് ഇനിയും വരാം എന്ന കരുതലോടെ പിരിഞ്ഞത്. അത്രയും ഹൃദ്യമായ ഒരു സ്ഥാപനമാണ് വഫിയ്യ...

അവരുടെ കഴിവുകൾ സമൂഹത്തിനൊരു മുതൽക്കൂട്ടാകണമെന്ന പ്രാർത്ഥനയോടെ

അസ്സ്മ നസ്റീൻ

For the homeless, haji creates a haven

By Shafeeq Alingal  |  Express News Service  |   Published: 09th August 2017 01:31 AM  |  

Last Updated: 09th August 2017 09:25 AM  

Bappu Haji at HIMA Love Home at Adakkakundu in Kalikavu

MALAPPURAM: Lined in a plot beneath lush green trees at Adakkakundu, a remote hilly hamlet in Kalikavu panchayat, are six single-storey houses. No, these are not luxury villas built by any known builder. They are houses constructed for elderly people abandoned by their families.

Led by Bappu Haji, an octogenarian, the villas have been built by a group of social workers under the aegis of HIMA (Haven of Intimacy and Merciful Atmosphere). The six villas are now home to 10 people from across the state.Known for his charity and educational works, Bappu Haji, 85, contributed three acres of land for these villas, in addition to a huge amount as financial assistance. 

“We live at a time when a large number of aged people are forced to leave their homes for a number of reasons,” says Bappu Haji.   HIMA functionaries say Haji’s close affinity to social and political leaders helped him extend a helping hand to the poor. He has close contacts with leaders like C H Mohammed Koya, Panakkad Mohammed Ali Shihab Thangal and Sakhavu Kunhali, a former MLA. Named HIMA Love Homes, what makes these villas different is the homely atmosphere and care  given to the inmates.

“Our aim is to ensure a homely feeling for those who have been denied homes. Most of the existing old age homes fail to serve this purpose with their congested rooms and inadequate facilities,” says Bappu Haji, who is also the chairman of HIMA. HIMA functionaries visited more than 50 old age homes across the country before setting up this model old age home.Apart from six villas, each of which can accommodate at least six persons, HIMA Love Homes has a full-fledged clinic, a dining hall, a prayer hall, a counselling centre and a dormitory. Instead of offering homes for the aged to live until death, HIMA concentrates on the rehabilitation of the inmates. After it was started in March 2017, three persons were sent back home after being cured.

“We ensure they get proper medication, and help them to become self-sufficient,” says Fareer Rahmani, HIMA general secretary.  Kumar (name changed) was completely bedridden when he was found by a group of social activists at the Feroke railway station. Continuous treatment by HIMA helped this septuagenarian from Karnataka walk. The same experience is shared by Fathima (name changed), who was brought from the Kondotty bus stand. She was abandoned by the owners of a house where she was working as a housemaid. “I can read, watch television and walk now,” says Fathima.

In addition to this, with the support of the police, HIMA talks to the relatives of abandoned people and ask them to take them back. Three persons were taken back in this manner. 

HIMA spends Rs 1.5 lakh a month on its household requirements. It has eight staff, including four nurses, while a panel of four doctors and 120 palliative care volunteers work here for free.“I have done my part. Now I entrust HIMA with the people. Society is obliged to take care its deprived people,” he says. He believes more inmates can be accommodated if HIMA can raise enough funds. HIMA Love Homes has the capacity to accommodate 120 people. 

അറിയുമോ ഈ നവോത്ഥാന വിപ്ളവത്തിൻെറ ശാന്ത സൗന്തര്യത്തെ...

അറിയുമോ ഈ നവോത്ഥാന വിപ്ളവത്തിൻെറ ശാന്ത സൗന്തര്യത്തെ...

-----------------------------------------------------------

    എന്തെന്നറിയില്ല പെരുത്തിഷ്ടമാണീ ശുഭ്രസൗന്ദര്യത്തെ...

വിനീത വിധേയത്താൽ കണ്ണുകൾ മണ്ണിലുടക്കി നടക്കുമ്പോഴും ഹൃദയ മടക്കുകളിൽ ഉമ്മത്തിൻറ സ്വപ്ന സാക്ഷാൽകാരങ്ങൾക് വേണ്ടി ദാർശനിക ചുവടു വെപ്പുകൾ നടത്തുകയായിരുന്നു ഈ നവോത്ഥാന നായകൻ.

അതിസാഹസികർ പോലും നൗകയിറക്കാൻ ഭയക്കുന്ന...രാക്ഷസ തിരമാലകൾ സംഹാര താണ്ടവ നൃത്തമാടുന്ന പ്രക്ഷുബ്ദ- --സാഗരങ്ങളിൽ കപ്പലിറക്കി ഇന്ത്രജാലം സൃഷ്ടിച്ച് ആളറിയാതെ രംഗം വിടുന്ന ഇഖ്ലാസിൻെറ ആൾരൂപമാണവർ...

അതിബുദ്ധിമാൻമാരായ വിദ്യാഭ്യാസ വിജക്ഷണർ പോലും അത്യൽഭുതത്തോടെയും ഒരൽപം അസൂയയോടെയും വീക്ഷിക്കുന്ന വൈജ്ഞാനിക ചലനങ്ങൾ സൃഷ്ടിച്ച് കാൽപാടുകൾ മായ്ച്ച് മുമ്പേ നടക്കുന്ന അത്ഭുത മനീഷി....

മൗന നിമിഷങ്ങൾ കാവലിരിക്കുന്ന പള്ളി ദർസിൻെറ അരണ്ട മൂലകളിൽ മടിച്ച് കത്തുന്ന തിരി നാളങ്ങളുടെ വെട്ടത്ത് കിതാബോതി ...മക്കയിലും മദീനത്തും മിസ്റിലും ഉപരി പഠനം നടത്തി മുന്തിയ മാതൃക കാട്ടിയ മഖ്ദൂമുമാരുടെ സച്ചരിതങ്ങൾ അനന്തരമെടുക്കപ്പെടാതെ ദ്രവിച്ച് കൊണ്ടിരുന്നപ്പോൾ......

"ഈ കാലി ഫൈസി"( as usthad's self introduction) sslc യിൽ നിന്നും വരച്ച വരകൾ എട്ട് വർഷങ്ങൾകപ്പുറം അസ്ഹറിലേയും കൈറോവിലേയും ദക്തൂറയിലേക്കെത്തുമെന്ന് പഠിതാക്കൾ പോലും നിനച്ചിട്ടുണ്ടാവില്ല...

കരിമ്പുക ശ്വസിച്ച് നെടുവീർപ്പുകൾ മാത്രം മിച്ചം വെച്ച് പെൺ തലകൾ ദൈവീക നൂറിൽ വിലയിക്കാനവസരം ലഭിക്കാതെ നരച്ച് തീർന്നപ്പോൾ.....മൈലാഞ്ചി കൈകളിലേക്ക് 

" ബൈളാവിയും ബുഖാരിയും മൻത്വിഖും ബലാഗയും നൽകിയത് ഒരാവേശത്തിൻെറ പുറത്തല്ലായിരുന്നുവെന്ന് മാമ്പാറക്കുന്നിൻെറ നെറുകയിൽ കാലം തെളിയിച്ച ചരിത്ര നിമിഷങ്ങളിൽ ഫ്ളാഷ് ലൈററുകളുടെ ഫ്രൈമുകളിൽ നിന്നും അങ്ങ് മാറി നിൽകുമ്പോൾ....സ്റേറജുകളിൽ പിൻനിരകളിലേക്ക് കസേര വലിച്ചിരിക്കുമ്പോൾ...

അനാവരണം ചെയ്യപ്പെടാത്ത സമസ്യകളുടെ നിധി വിസ്മയത്തെ ശിഷ്യ ഗണങ്ങൾ സാഭിമിനം നോക്കിയിരിന്നിട്ടുണ്ടാവും ...തീർച്ച...

വിശുദ്ധ ഖുര്‍ആന്റെ 100 നിര്‍ദേശങ്ങള്‍

1. ദൈവത്തിനു പുറമെ മറ്റാരോടും നിങ്ങള്‍ പ്രാര്‍ത്ഥിക്കരുത്. (28:88)
2. നന്മ കല്‍പ്പിക്കണം തിന്മ വിരോധിക്കണം. (31:17)
3. എത്ര പ്രതികൂലമായാലും സത്യമെ പറയാവൂ. (4:135)
4. പരദൂഷണം പറയരുത്. (49:12)
5. മറ്റുളളവരെ പരിഹസിക്കരുത്. (49:11)
6. അസൂയ അരുത്. (4:54)
7. ചാരവൃത്തിയും ഒളിഞ്ഞു കേള്‍ക്കലും അരുത്. (49:12)
8. കള്ളസാക്ഷി പറയരുത്. (2:283)
9. സത്യത്തിന്ന് സക്ഷി പറയാന്‍ മടിക്കരുത്. (2:283)
10. സംസാരിക്കുംബോള്‍ ശബ്ദ്ം താഴ്ത്തണം. (31 :19)
11. പരുഷമായി സംസാരിക്കരുത്. (3:159)
12. ആളുകളോട് സൌമ്യമായ വാക്കുകള്‍ പറയണം. (20:44)
13. ഭൂമിയില്‍ വിനയത്തോടെ നടക്കണം. (25:63)
14. നടത്തത്തില്‍ അഹന്ത അരുത്. (31:18)
15. അഹങ്കാരം അരുത്. (7:13)
16. അനാവശ്യ കാര്യങ്ങളില്‍ മുഴുകരുത്. (23:3)
17. മറ്റൊരാളുടെ തെറ്റുകള്‍ കഴിയുന്നത്ര മാപ്പ് ചെയ്യണം. (7:199)
18. മറ്റുള്ളവരോട് ഔദാര്യത്തോടെ പെരുമാറണം. (4:36)
19. അതിഥികളെ സല്‍ക്കരിക്കണം.(51:26)
20. പാവങ്ങള്‍ക്ക് ഭക്ഷണം നല്‍കാന്‍ പ്രേരിപ്പിക്കണം.(107:3)
21. അനാഥകളെ സംരക്ഷിക്കണം. (2:220)
22. ചോദിച്ചു വരുന്നവരെ ആട്ടിക്കളയരുത്. (93:10)
23. വിഷമിക്കുന്നവരെ കണ്ടെത്തി സഹായിക്കണം. (2:273)
24. ചെയ്ത ഉപകാരം എടുത്ത് പറയരുത്. (2:264)
25. വിശ്വസിച്ചേല്‍പിച്ച വസ്തുക്കള്‍ തിരിച്ചേല്പിക്കണം. (4:55)
26. കരാര്‍ ലംഘിക്കരുത്.(2:177)
27. തിന്മയെ നന്മ കൊണ്ട് പ്രതിരോധിക്കണം. (41:34)
28. നന്മയില്‍ പരസ്പരം സഹകരിക്കണം.(5:2)
29. തിന്മയില്‍ സഹകരിക്കരുത്.(5:2)
30. നീതി പ്രവര്‍ത്തിക്കണം. (5:8)
31. വിധി കല്‍പിക്കുംബോള്‍ നീതിയനുസരിച്ച് വിധിക്കണം. (4:58)
32. ആരോടും അനീതി ചെയ്യരുത്. (5:8)
33. അളവിലും തൂക്കത്തിലും ക്രിത്രിമം കാണിക്കരുത്. (6:152)
34. സത്യവും അസത്യവും കൂട്ടിക്കലര്‍ത്തരുത് (2:42)
35. വഞ്ചകര്‍ക്ക് കൂട്ടു നില്‍ക്കരുത്. (4:105)
36. സത്യത്തില്‍നിന്ന് വ്യതിചലിക്കരുത്. (4:135)
37. പിശുക്ക് അരുത്. (4:37)
38. അന്യന്റ്റെ ധനം അന്യായമായി തിന്നരുത്. (4:29)
39. അനാഥകളുടെ ധനം അപഹരിക്കരുത്. (4:10)
40. ധനം ധൂര്‍ത്തടിക്കരുത്. (17:29)
41. ലഹരി ഉപയോഗിക്കരുത്. (5:90)
42. മദ്യം കഴിക്കരുത്. (5:90)
43. കൈക്കൂലി അരുത്. (2:188)
44. പലിശ അരുത്. (2:275)
45. വ്യഭിചാരത്തെ സമീപിക്കരുത്. (17:32)
46. കൊലപാതകം അരുത്. (4:92)
47. ചൂത് കളിക്കരുത്. (5:90)
48. മറ്റുള്ളവര്‍ക്ക് പാഠം ആകും വിധം കുറ്റവളികളെ ശിക്ഷിക്കണം. (5:38)
49. ഊഹങ്ങള്‍ അധികവും കളവണ്; ഊഹങ്ങള്‍ വെടിയണം. (49:12)
50. തിന്നുക, കുടിക്കുക, അധികമാകരുത്. (49:12)
51. ശവം, രക്തം, പന്നിമാംസം എന്നിവ നിഷിദ്ധമാണ്. (5:3)
52. ഭാഗ്യ പരീക്ഷണങ്ങള്‍ അരുത്.(5:90)
53. ഭൂമിയില്‍ കുഴപ്പം ഉണ്ടാക്കരുത്. (2:60)
54. മനുഷ്യര്‍ക്കിടയില്‍ ഐക്യത്തിന്ന് ശ്രമിക്കണം. (49 :9)
55. നിങ്ങള്‍ പരസ്പരം ഭിന്നിക്കരുത്. (3:103)
56. ഉച്ചനീചത്വ ബോധം ഉണ്ടാകരുത്. (49 :13)
57. ദൈവ ഭകതനാണ് നിങ്ങളില്‍ ശ്രേഷ്ടന്‍. (49:13)
58. കാര്യങ്ങള്‍ പരസ്പരം കൂടിയാലോചിക്കണം. (42:38)
59. ഇങ്ങോട്ട് യുദ്ധം ചെയ്താലല്ലാതെ യുദ്ധം അരുത് (2:190)
60. യുദ്ധ മര്യാദകള്‍ പലിക്കണം (2:191)
61. യുദ്ധത്തില്‍ നിന്ന് പിന്തിരിയരുത്. (8:15)
62. അഭയാര്‍ത്ഥികളെ സഹായിക്കണം (സംരക്ഷിക്കണം) (9:6)
63. മറ്റുള്ളവരെ കണ്ണടച്ച് അനുകരിക്കരുത്. (2:170)
64. പൌരോഹിത്യം പടില്ല
65. സന്ന്യാസം അരുത്. (57:27)
66. നഗ്നത മറക്കണം (7:31)
67. ശുദ്ധി (വൃത്തി) സൂക്ഷിക്കണം (9:108)
68. കോപം അടക്കി നിര്‍ത്തണം (3:134)
69. സമ്മതം കൂടതെ അന്യരുടെ വീട്ടില്‍ പ്രവേശിക്കരുത്. (24 :27)
70. രക്ത ബന്ധമുള്ളവര്‍ തമ്മില്‍ വിവാഹം അരുത്. (4:23)
71. മാതാക്കള്‍ മക്കള്‍ക്ക് പൂര്‍ണ്ണമായി മുലയൂട്ടണം. (2:233)
72. മാതാ പിതാക്കള്‍ക്ക് നന്മ ചെയ്യണം (17:23)
73. മാതാപിതാക്കളോട് മുഖം ചുളിച്ച് സംസാരിക്കരുത്. (17:23)
74. മാതാപിതാക്കളുടെ സ്വകര്യ മുറിയില്‍ അനുവാദമില്ലാതെ പ്രവേശിക്കരുത്. (24:58)
75. കടം വാങ്ങുന്നതും കൊടുക്കുന്നതും എഴുതി വെക്കണം. (2:282)
76. കടം വീട്ടുവാന്‍ ബുദ്ധിംട്ടുന്നുവെങ്കില്‍ വിഷമിപ്പിക്കരുത്. (2:280)
77.
ഭൂരിപക്ഷം സത്യത്തിന്റെ മാനദണ്ഡമല്ല. (6:116)
78. സ്ത്രീകള്‍ മാന്യമയി ഒതുക്കത്തോടെ കഴിയണം. (33:33)
79. മരണപ്പെട്ടവന്റെ സ്വത്ത് കുടുംബാംഗങ്ങള്‍ക്ക് അനന്തരം നല്‍കണം. (4:7)
80. സ്ത്രീകള്‍ക്കും സ്വത്തവകാശം ഉണ്ട്. (3:195)
81. സ്ത്രീ ആ‍യാലും പുരുഷനായാലും കര്‍മ്മങ്ങള്‍ക്ക് തുല്യ പ്രതിഫലം ഉണ്ട്. (3:195)
82. കുടുംബത്തിന്റെ നേതൃത്വം പുരുഷന് നല്‍കണം. (4:34)
83. ആര്‍ത്തവ കാലത്ത് ലൈംഗിക സമ്പര്‍ക്കം അരുത് (2:222)
84. പ്രപഞ്ചത്തിലെ അല്‍ഭുതങ്ങളെ കുറിച്ചു ചിന്തിക്കണം. (3:191)
85. വിജ്ഞാനം നേടുന്നവര്‍ക്ക് ഉന്നത പദവി നല്‍കും. (58:11)
86. ഭരണാധികാരികളെ പ്രാപ്തി നോക്കി തിരഞ്ഞെടുക്കണം. (2:247)
87. ആരാധനലയങ്ങളില്‍ നിന്ന് ആളുകളെ തടയരുത്. (2:114)
88. മറ്റു മതസ്തരുടെ ആരാധ്യ വസ്തുക്കളെ നിന്ദിക്കരുത്. (6:108)
89. എല്ലാ പ്രവചകരേയും അംഗീകരിക്കണം. (2:285)
90. സത്യത്തിലേക്ക് ക്ഷണിക്കുന്നത് സദുപദേശത്തോടു കുടിയാവണം. (16:125)
91. ആരാധന വേളയില്‍ നല്ല വസ്ത്രം അണിയണം. (7:31)
92. മതത്തില്‍ നിര്‍ബന്ധിക്കാന്‍ പാടില്ല. (2:256)
93. ഒരാള്‍ക്ക് കഴിയാത്തത് അയാളെ നിര്‍ബന്ധിക്കരുത്. (2:286)
94. കഷ്ടപാടുകളിലും വിഷമതകളിലും ക്ഷമ കൈ കൊള്ളണം. (2:286)
95. അനാചാരങ്ങള്‍ക്കെതിരെ പോരാടണം. (5:63)
96. വര്‍ഗ്ഗീയത അരുത്. (49 :13)
97. ദൈവത്തോട് മാത്രം പ്രാര്‍ത്ഥിക്കുന്നവര്‍ക്ക് നിര്‍ഭയത്വം നല്‍കും. (24:55)
98. ദൈവം കാരുണ്യവാനാണ്. അവനോട് പാപമോചനം തേടുക. (73:20)
99. ദൈവം എല്ലാ പാപങ്ങളും ഒന്നിച്ച് മാപ്പ് ചെയ്യുന്നവനാകുന്നു. (39:53)
100. ദൈവ കാരുണ്യത്തെ കുറിച്ചു നിരാശരാവരുത്. (39:29)

മർക്കസ് എന്ന വണ്ടർലാന്റ്

മുൻ മാതൃകകളില്ലാതെ അനേകം സുകൃതങ്ങൾ വർണ്ണാഭമായി വിരിയിച്ച അക്ഷര ഗോപുരമാണ് മർക്കസ്.

മതപഠനത്തിലേക്ക് അനേകായിരം പേരെ ഹഠാദാകർഷിച്ച, 

മതപഠനം മോഹനവും 

സാർവത്രികവുമാക്കാൻ മുമ്പേ നടന്ന  വാഫി കോഴ്സ്, 

പെൺകുട്ടികളുടെ ഫസ്റ്റ് ചോയ്സ് ആയി മാറിയ വഫിയ്യ കോഴ്സ്, 

ഇസ്ലാമിക് റെസിഡൻഷ്യൽ സ്കൂളിനെ കേരളത്തിന് പ്രാക്ടിക്കലായി പരിചയപ്പെടുത്തിയ ബോർഡിംഗ് സ്കൂൾ, 

കെ.ജി. മുതൽ പി.ജി. വരെ  ഉയർന്ന നിലവാരത്തിൽ ,അച്ചടക്കത്തോടെ നടത്താനാവുമെന്ന് ഇന്നും തെളിയിച്ച് കൊണ്ടിരിക്കുന്ന , വിശാലമായ  കാമ്പസ്, 

ഹിഫ്ള് പഠനവും സ്കൂൾ പഠനവും ഒരേ സമയം സാധ്യമാണെന്ന് തെളിയിച്ച ഹിഫ്ള് കോളേജ് , അഡ്മിഷന് പരസ്യം ആവശ്യമായി വരാത്ത വിധം രക്ഷിതാക്കൾ അന്വേഷിച്ചെത്തുന്ന സ്ഥാപനങ്ങൾ ഇങ്ങനെ അനേകം അത്ഭുതങ്ങളിലൂടെ

ഇസ് ലാമിക കലാലയങ്ങൾക്ക് എന്നും മാതൃകയായി മർക്കസ് മുന്നിലുണ്ട്.

നടത്തിപ്പു രീതികൾ മന സ്സിലാക്കാൻ വേണ്ടി മാത്രം  ഓരോ വർഷവും ഒരുപാട് സ്ഥാപന പ്രതിനിധികൾ മർക്കസ് സന്ദർശിക്കാറുണ്ട്.

സമസ്ത മലപ്പുറം ജില്ലാ കമ്മറ്റിക്ക്‌ കീഴിൽ ഗൾഫിലെ ദീനീ പ്രവർത്തകരുടെ നിസ്സീമമായ പിന്തുണയോടെ 

സമസ്ത പ്രസിഡന്റും ജാമിഅ നൂരിയ്യ പ്രിസിപ്പലുമായിരുന്ന കെ കെ അബൂബക്കർ ഹസ്രത്തിന്റെ നേതൃത്വത്തിൽ 1986 ൽ തുടക്കം കുറിക്കപ്പെട്ട മർക്കസിന്റെ  ചരിത്രവും നാൾവഴികളും അഭിമാനപൂർവം ഒരിക്കൽ കൂടി മുസ്ലിം കൈരളി അയവിറക്കുകയാണ്.

മർക്കസ്സ് സഥാപകനും വഴിവെളിച്ചവുമായ *കെ.കെ അബൂബക്കർ ഹസ്രത്*, 2008 ൽ മരണം വരെ പ്രസിഡൻ്റായിരുന്ന *സയ്യിദ് മുഹമ്മദലി ശിഹാബ് തങ്ങൾ*,

ആരംഭം മുതൽ 2012 ൽ മരിക്കുന്നത്‌ വരെ നീണ്ട കാൽ നൂറ്റാണ്ടിലധികം കാലം  മർക്കസിന്റെ ജനറൽ സെക്രട്ടറിയായിരുന്ന *കുഞ്ഞുട്ടി ഹാജി, തച്ചറക്കൽ ഇബ്രാഹീം ഹാജി, സി.കെ കൈമലശ്ശേരി* അങ്ങനെ അനേകം മഹാമനീഷികൾ,

എല്ലാവർക്കും അല്ലാഹു മഗ്‌ഫിറത്തും മർഹമത്തും നൽകുമാറാവട്ടെ.....

സഹായിച്ചവരെ, സഹായിക്കുന്നവരെ അല്ലാഹു സഹായിക്കട്ടെ ...

മതരംഗത്ത്‌ ഒന്നാംക്ലാസ്‌ മദ്രസ മുതൽ ബിരുദാനന്തരബിരുദം വരെ നിൽകുന്ന സ്ഥാപനങ്ങളെയും

ഭൗതികരംഗത്ത്‌ എൽ കെ ജി മുതൽ ബി എഡ്‌ വരെ ലഭിക്കുന്ന സ്ഥാപനങ്ങളെയും 

മാതൃകാപരമായി 

നടത്തിക്കൊണ്ടു പോകുന്ന ആദരണിയരായ പ്രസിഡന്റ് *സയ്യിദ് ഹൈദരലി ശിഹാബ് തങ്ങൾ*, 

സെക്രട്ടറി പദം ഏറ്റെടുത്ത്‌ 5 വർഷം കൊണ്ട് മർക്കസിൻ്റെ മുഖഛായ തന്നെ മാറ്റിയെടുത്ത്, ചൂരും ചൂടും പകർന്നു കൊണ്ടിരിക്കുന്ന *ആദൃശേരി ഹംസക്കുട്ടി മുസ്ലിയാർ*, ദീർഘ വീക്ഷണം കൊണ്ടും ധിഷണാ പാടവം കൊണ്ടും *മർക്കസിൻ്റെ ഇൻ്റലക്ച്വൽ ഫ്ലെയിം ആയി അറിയപ്പെടുന്ന അബ്ദുൽ ഹക്കീം  ഫൈസി ആദൃശ്ശേരി* 

തുടങ്ങിയ പ്രമുഖരുടെ  

സാന്നിധ്യം ഇന്നും അനേകായിരങ്ങളെ മർക്കസിലേക്ക് ആകർഷിക്കുന്നു.

*പ്രഗത്ഭരും ഭാവനാസമ്പന്നരുമായ അദ്ധ്യാപകരുടെ സാന്നിദ്ധ്യം മർക്കസിനെ  എപ്പോഴും വേറിട്ടു നിർത്തി*. 

വാഫി, വഫിയ്യാ ശിൽപി പ്രൊഫ. അബ്ദുൽ ഹക്കിം ഫൈസി ആദൃശ്ശേരി, ആർട്സ് കോളേജ് പ്രിൻസിപ്പളായിരുന്ന സമദാനി സാഹിബ്‌, പി.പി മുഹമ്മദ്‌ ഫൈസി, ജലീൽ ഫൈസി പുല്ലങ്കോട്‌,സി കെ കൈമലശ്ശേരി, ഹദീസ് പണ്ഡിതനായ കുഞ്ഞാമു ഫൈസി, ചരിത്രകാരനും ഗ്രന്ഥകാരനുമായ കുട്ടി ഫൈസി, കർമശാസ്ത്ര പണ്ഡിതനും എഴുത്തുകാരനുമായ എം കെ കൊടശ്ശേരി ഫൈസി, എ.ടി. മുഹമ്മദലി ഖാസിമി, മുഹമ്മദ് ദാരിമി, നെടുങ്ങോട്ടൂർ കുഞ്ഞഹമദ് ബാഖവി, തലക്കടുത്തൂർ യൂസുഫ്‌ മുസ്ല്യാർ, എഴുത്തുകാരൻ ഉസ്മാൻ ഇരിങ്ങാട്ടിരി, കവി നൗഷാദ്‌ പുഞ്ച, തുടങ്ങിയവർ അവരിൽ പ്രധാനികളാണ്‌. 

തന്മൂലം മർക്കസ്‌ സ്ഥാപനങ്ങൾ ഒന്നൊന്നായി സമൂഹത്തിന്റെ ശ്രദ്ധാകേന്ദ്രങ്ങളായി.

കേരളത്തിന്റെ നാനാതുറകളിൽ നിന്നും ലക്ഷദ്വീപിൽ നിന്നുമെല്ലാം വിജ്ഞാനം തേടി വിദ്യാർത്ഥികൾ  കായ്ച്ചു  നിൽക്കുന്ന തെങ്ങുകളും പൂത്തുനിൽക്കുന്ന  മാവുകളും നിറഞ്ഞ മാമ്പാറകുന്നിലെത്തി.

ശിഹാബ്‌ തങ്ങൾ തന്നെ തന്റെ മകൻ മുനവ്വറലി തങ്ങളെ മൂന്ന് വർഷം മർക്കസിന്റെ ബോർഡിങ്ങിൽ പഠിപ്പിച്ചു. ഇന്നത്തെ യൂത്ത്‌ ലീഗ്‌ നേതാവും പത്രപ്രവർത്തകനുമായ നജീബ്‌ കാന്തപുരം,പി കെ കെ ബാവയുടെ മകൻ അഡ്വ ശാഫി തുടങ്ങിയ പ്രശസ്തരും അപ്രശസ്തരുമായ പതിനായിരങ്ങൾ ഇവിടെ നിന്ന് പഠിച്ചിറങ്ങി. 

യാത്രകളിലും മറ്റും പരിചയപ്പെടുന്ന പലരും 'ഞാനും മർക്കസിലുണ്ടായിരുന്നു  ' എന്ന് പറയുമ്പോൾ ഉള്ളിൽ കുളിര് കോരും.

സാദിഖലി തങ്ങൾ, അബ്ബാസലി തങ്ങൾ, റഷീദലി തങ്ങൾ, അബ്ദുസമദ് പൂക്കോട്ടൂർ, ഹക്കീം ഫൈസി , ഹംസക്കുട്ടി ബാഖവി തുടങിയവരുടെ മക്കളും ഇന്ന് വാഫിയിൽ പഠിച്ചു കൊണ്ടിരിക്കുന്നു. 

*ഒരേ വീട്ടിലെ മുഴുവൻ പേരും മർക്കസിലെ ഏതെങ്കിലുമൊരു സ്ഥാപനത്തിൽ* പഠിച്ച അനേകം കുടുംബങളെ കാണുമ്പോൾ നാമറിയുന്നു മർക്കസ് എത്രമേൽ പ്രിയപ്പെട്ടതായിരുന്നു അവർക്കെന്ന്. 

വാഫി-വഫിയ്യ കോഴ്സുകളിലൂടെ ഒരു തലമുറക്കു വളരാനുള്ള മണ്ണും വിണ്ണും ഒരുക്കി  മുന്നിൽ നിന്നു മാതൃകയായി ഈ കാമ്പസ്‌. സിലബസും കരിക്കുലവും മാത്രമല്ല,

പലപ്പോഴും മർക്കസിലെ ബെല്ലടി സമയങ്ങൾ പോലും അതേപടി പിൻതുടർന്നു സഹോദരസ്ഥാപനങൾ. !

മുസ്‌ലിം കേരളത്തിന്റെ വിദ്യാഭ്യാസ ചരിത്രത്തിലെ അതുല്യമായ ഒരു മുഹൂർത്തമാണ്‌ നമുക്ക് മുന്നിലുള്ളത്. 

*ഇത് ചരിത്രമാവുക തന്നെ ചെയ്യും.*

കാരണം *2017 ഓഗസ്റ്റ്‌ 4,5,6 തിയതികളിൽ വളാഞ്ചേരി മർക്കസിൽ* നടക്കുന്ന മെഗാ സമ്മേളനം സാക്ഷിയാകുന്നത് പല വിധ വൈവിധ്യങ്ങൾക്കുമാണ്.

ദീനീ ദഅവത്, അധ്യാപനം,   വാർത്താ മാധ്യമങ്ങൾ ,അഡ്മിനിസ്ട്രേഷൻ ,ബിസിനസ് മേഖലകളിൽ സേവനം ചെയ്യുന്ന മത ഭൗതിക ബിരുദധാരികളായ  250 ലധികം *വാഫികൾ സനദ്‌ ഏറ്റുവാങ്ങുമ്പോൾ...*.

സമന്വയ വിദ്യാഭ്യാസ ചരിത്രത്തിലെ മഹാത്ഭുതമായി, ഉമ്മത്തിനു വീണ്ടെടുപ്പിന്റെ ഊർജ്ജം പകരാൻ , 

ജലാലെനിയും മിശ്കാതും ഫത്ഹുൽ മുഈനും നഹ് വും സ്വർഫും അദബും ബലാഗയും ഒപ്പം യൂണിവേഴ്സിറ്റി ഡിഗ്രിയും കരസ്ഥമാക്കിയ , അധ്യാപന - പ്രഭാഷണ മേഖലകളിൽ  പ്രവർത്തിക്കുന്നവരുൾപ്പെടെ *നൂറിലേറെ വരുന്ന വഫിയ്യകൾ വനിതാ സംഗമത്തിൽ വെച്ച് സനദ് വാങ്ങി കർമ്മ രംഗത്തേക്കിറങ്ങുമ്പോൾ..*

വിശുദ്ധ ഖുർആൻ നെഞ്ചേറ്റിയ നിരവധി *ഹാഫിളീങ്ങളെ സമുദായത്തിനു സമർപ്പിക്കുമ്പോൾ*

പുതിയതായി പണികഴിപ്പിച്ച *ഹിഫ്ള് കോളേജ് ബിൽഡിംഗ്, ഓഡിറ്റോറിയം, പി.ജി ബ്ലോക്ക്, ഹൈടെക് കിച്ചൺ* എന്നിവ സമർപ്പിക്കപ്പെടുമ്പോൾ,

പള്ളി പുനരുദ്ധാരണം, 

വഫിയ്യ ഡേ കോളേജ് നിർമാണം എന്നിവക്ക് തുടക്കം കുറിക്കുമ്പോൾ..

*പാണക്കാട് സയ്യിദൻമാരും സമസ്ത നേതാക്കളും അലിയ്യുൽ ഹാശിമിയും യൂസഫലി സാഹിബും മത രാഷ്ട്രീയ സാമൂഹിക മേഖലകളിലെ അനേകം പ്രതിഭകളും* ഒരേ വേദിയിൽ അണിനിരക്കുമ്പോൾ..

*നമുക്കും സാക്ഷിയാകാം...*

വരൂ,
മർക്കസിലേക്ക്,
ആത്മാഭിമാനത്തിൻ്റെ ഭൂമികയിലേക്ക്..

ഹമീദ് വാഫി, കുരുവമ്പലം

വഫിയ്യ കലാലയ ജീവിതത്തെക്കുറിച്ച് ജസീല വഫിയ്യ അമ്പലക്കണ്ടി* എഴുതുന്നു.

വസന്തകാലത്തിന്റെ ഓർമ്മകൾക്കെന്നും വസന്തമാണ്

കാത്തിരിപ്പിന് ശേഷം പ്രഥമ വഫിയ്യ സനദ് ദാനം വന്നെത്തുന്നു.! 2017 ആഗസ്റ്റ് 5 ശനിയാഴ്ച രാവിലെ 10 മണിക്ക് അഹ് ലു ബൈത്തിലെ മഹിളാരത്നം *പാണക്കാട് സയ്യിദത്ത് ഫാത്തിമ സുഹ്റ ബീവി*യുടെ തിരുകരങ്ങളിൽ നിന്ന് ഞങ്ങൾ111പേർ വിനയപൂർവ്വം സനദ് സ്വീകരിക്കും,( ഇ.അ). സ്ത്രീകൾ മാത്രം സംഗമിക്കുന്ന ഈ ചരിത്ര നിമിഷത്തിന് സാക്ഷിയാവാൻ എല്ലാ ഉമ്മമാരും ഇത്തമാരും  അനിയത്തിമാരും വരുമെന്ന് കരുതട്ടെ,

മുപ്പതാം വാർഷിക സനദ് ദാന വേളയിൽ ഞങ്ങൾ വഫിയ്യയിൽ ചെലവഴിച്ച നല്ല നാളുകളുടെ ഓർമ്മകൾ മനസിലേക്ക് വരുന്നു.

അതെ,മർക്കസിലിപ്പോൾ പെരുന്നാളാണ്,ചെറിയ പെരുന്നാളിനും ബലി പെരുന്നാളിനുമിടയിലെ വലിയപെരുന്നാൾ.സ്വപ്നം കാണൽ പോലും നിഷേധിക്കപ്പെട്ട ഒരു ജനത കണ്ട സ്വപ്നത്തിന്റെ വിളവെടുപ്പിന്റെ വസന്തോത്സവം.വഫിയ്യാ സനദിന് പുറമെ വാഫി,ഹിഫ്ള് സനദ് ദാനങ്ങളും നടക്കുന്നു. മത പഠനത്തിന് ഭൗതിക പഠനവും ഭൗതിക പഠനത്തിന് മതപഠനവും തടസ്സമാവാതെ സമന്വയത്തിന്റെ പാതയിൽ സഞ്ചരിച്ച യുവതയുടെ സമർപ്പണത്തിന്റെ വിജയഗാഥ.

എട്ട് വർഷങ്ങൾക്ക് മുമ്പ് SSLC കഴിഞ്ഞപ്പോൾ എനിക്ക് മുമ്പിലും ചോദ്യങ്ങളുണ്ടായിരുന്നു.എന്റെ വീട് ദീനി അന്തരീക്ഷത്തിലായിരുന്നെങ്കിലും പേരാമ്പ്രയിലെ ഞങ്ങളുടെ നാട്ടിലധികവും സാധാരണ മിഡിൽ ക്ലാസ് മുസ്ലിം ഫാമിലികളായിരുന്നു. ഉപരിപഠന മേഖലകൾ MBBS,BDS, എഞ്ചിനിയറിംഗ് തുടങ്ങിയവയായിരുന്നു.

അതിൽ നിന്നുള്ള മാറ്റമായിരുന്നു എന്റേത്, കവി *റോബർട്ട് ഫ്രോസ്റ്റ്* പറയുന്നത് പോലെ 

Two roads diverged in a wood, and I

I took the one less traveled by,

And that has made all the difference

(Road Not Taken)

അധികമാരും പോകാത്ത വഴി ഞാൻ തെരെഞ്ഞെടുത്തു.

അതിന് ഉപ്പയോട് ഞാൻ കടപ്പെട്ടിരിക്കുന്നു.

ഒരു ദിവസം ബിസ്നസ് ആവശ്യാർത്ഥം ഉപ്പ തൃശ്ശൂരിലേക്ക് പോകുമ്പോൾ വളാഞ്ചേരിക്കടുത്ത് വെച്ച് ഒരു 'നല്ല'ട്രാഫിക്ക് ബ്ലോക്കിൽ പെട്ടു.(പിന്നീടാണ് എനിക്ക് ബോധ്യമായത് എന്റെ ജീവിതം മാറ്റിമറിച്ച ഒരു നല്ല ബ്ലോക്കായിരുന്നു അതെന്ന്).വണ്ടിയിൽ മുഷിഞ്ഞിരിക്കുന്നതിനിടയിലാണ് ഇലക്ട്രിക് പോസ്റ്റിലെ ഫ്ലക്സ് ഉപ്പ ശ്രദ്ധിച്ചത്: *SSLC ക്ക് ശേഷം വാഫി, വഫിയ്യ.*ഈ പദങ്ങൾ ഇന്നത്തെപ്പോലെ  പരിചിതമായിരുന്നില്ലന്ന്. ആദ്യമായിട്ടായിരിക്കും ഉപ്പ ആ പദങ്ങൾ കാണുന്നത്. തിരിച്ച് വരുമ്പോൾ വളാഞ്ചേരി മർക്കസിൽ ഇറങ്ങി കോഴ്സിനെക്കുറിച്ച് കൂടുതൽ മനസിലാക്കി, എന്ട്രൻസ് പരീക്ഷക്കുള്ള അപേക്ഷ വാങ്ങി.

ഒരാഴ്ച കഴിഞ്ഞ് ഞങ്ങൾ പോയി,വളരെ പ്രതീക്ഷയോടെ, ചരിത്രത്തിലെ ആദ്യത്തെ വഫിയ്യ എൻട്രസ് പരീക്ഷ എഴുതാൻ. എൻട്രൻസിന് നൂറ് കണക്കിന് പേർ. ആകെ  നൂറ് സീറ്റ് മാത്രം. അന്ന് മർകസിൽ മാത്രമേ വഫിയ്യ കോഴ്സ് ഉണ്ടായിരുന്നുള്ളൂ.

ഫലം വന്നപ്പോൾ ആദ്യലിസ്റ്റിൽ തന്നെ പ്രവേശനം ലഭിച്ചു,വഫിയ്യയിലെ ആദ്യ ബാച്ചിൽ.

അനുഗ്രഹീതയായിരുന്നു വഫിയ്യക്കാലം.ഒ.എൻ.വി പാടിയതിനുമപ്പുറം  മോഹിച്ച് പോകുന്നു. ഒരു വട്ടം കൂടി ... 

അതെ,അറിവിൻ തീരം തേടി അലകടലിൽ പദങ്ങൾ തീർത്ത കാലം... ഉന്നത ഇസ്ലാമിക പഠനങ്ങളോടൊപ്പം പ്ലസ്ടു, യൂണിവേഴ്സിറ്റി ഡിഗ്രിയും സമന്വയിച്ച വഫിയ്യ കരിക്കുലം ഡബിൾ ഡോസാണെങ്കിലു ആസ്വാദ്യകരമാണ്.

തഫ്സീർ, മിശ്ക്കാത്ത്, ഫത്ഹുൽ മുഈൻ, ഇഹ് യാ ഉലൂമിദ്ദീൻ, ഉസൂലുൽ ഫിഖ്ഹ്, ഹദീസ് നിദാനശാസ്ത്രം,അറബി ഭാഷാ സാഹിത്യ ഗ്രന്ഥങ്ങൾ...തുടങ്ങിയവ പ്രഗൽഭരായ ഉസ്താദുമാരിൽ നിന്ന് പഠിക്കാൻ കഴിഞ്ഞത് ജീവിതത്തിലെ അമൂല്യ ഭാഗ്യമായി ഞങ്ങൾ കരുതുന്നു.

മർക്കസിന്റെ വഫിയ്യ കാമ്പസിൽ ഞങ്ങൾ സുരക്ഷിതരും ആഹ്ലാദഭരിതരുമായിരുന്നു. മതിൽക്കെട്ടിനുള്ളിലെ ജീവിതം നിങ്ങൾക്ക് ജയിലായി തോന്നാം.പക്ഷേ ഞങ്ങൾ സന്തുഷ്ടരായിരുന്നു.  അതിനുളളിൽ ഞങ്ങളുടെ മാത്രമായ ഒരു പെൺ ലോകമുണ്ടായിന്നു. പഠനം,വായന,എഴുത്ത്, പ്രസംഗം,ചർച്ച,സംവാദം,പാട്ട്... എന്നിവ കൊണ്ട് നിറഞ്ഞ രാപകലുകൾ!

മൂന്നരക്ക് ക്ലാസ് കഴിയും. അസ്വർ ജമാഅത്ത് കഴിഞ്ഞ് തസ്ബീഹ്  വരെയുള്ള ഇടവേള പലരുടെയും ക്രിയേറ്റിവിറ്റികൾ പുറത്ത് വരുന്ന സുന്ദര നിമിഷങ്ങളാണ്.സന്തോഷങ്ങളും സൗഹൃദങ്ങളും പങ്കിടുന്ന വൈകുന്നേരം. ഇതിനെല്ലാമിടയിലും ഉറ്റവരെ വിട്ട് ഹോസ്റ്റലിൽ ജീവിക്കുമ്പോഴുണ്ടാകുന്ന സ്വാഭാവിക പിരിമുറുക്കം (ഒന്നാം വർഷ വിദ്യാർത്ഥികൾക്കാണധികവുമുണ്ടാവുക)വരുമ്പോൾ വന്നിരിക്കുന്നൊരിടമുണ്ട് അൽ ഗൈസിലെ വഫിയ്യയിൽ;ഞങ്ങൾ ആ സ്ഥലത്തെ *ടെൻഷൻ കോർണർ* എന്നാണ് വിളിച്ചിരുന്നത്.'തുല്യ ദു:ഖിതർ' സംഗമിക്കുന്ന ടെൻഷൻ കോർണറിൽ ഇത്തിരി നേരമിരുന്നാൽ ഒത്തിരി സങ്കടങ്ങൾ അലിഞ്ഞില്ലാതാകും. ഇപ്പോഴും അതവിടെയുണ്ടോ ആവോ..!?

പഠന കലാ മത്സരങ്ങൾക്ക് പുറമെ കായിക മേളകൾക്കും അവസരമുണ്ടായിരുന്നു. BDS കഴിഞ്ഞ് ദന്ത ഡോക്ടറായ എന്റെ ജേഷ്ടത്തി ഒരിക്കൽ പോലും ഒരു ഷട്ടിൽ ബാറ്റോ വോളിബോളോ തൊട്ടിട്ടുണ്ടാവില്ല.തനി ഭൗതിക കാമ്പസിലും പെണ്ണിന് ആഗ്രഹിക്കുന്ന സ്വാതന്ത്ര്യം ലഭിച്ചേക്കില്ല.പക്ഷേ സുരക്ഷിത വലയമൊരുക്കി വഫിയ്യ പുതിയ വാതിൽ തുറന്ന് തന്നു.ആയിഷ ബീവി(റ) ഓട്ടമത്സരത്തിൽ പങ്കെടുത്തെന്ന് ഞങ്ങൾ പഠിച്ചത് ഒരു ഹദീസ് ക്ലാസിലായിന്നു.ഞാൻ പലപ്പോഴും ചിന്തിച്ചിട്ടുണ്ട്: ഭർത്താവിനൊപ്പം ഓട്ട മത്സരം നടത്താൻ ഭാഗ്യം ലഭിച്ച എത്ര ഭാര്യമാരുണ്ടീ ഭൂമി മലയാളത്തിൽ ! വൈകുന്നേരങ്ങളിലെ ഞങ്ങളുടെ വോളിബോളും ഷട്ടിലും ഓട്ടവും ചാട്ടവും *ഇമാം ഗസ്സാലി (റ) സൂചിപ്പിക്കുന്നത് പോലെ* മനസ്സിന് ഉണർവും തൻമൂലം കിതാബ് പഠനത്തിനും  അറിവന്വേഷണങ്ങൾക്കും ഊർജം ലഭിച്ചു.

*കലാ-കായിക മേളയുടെ സ്റ്റേജും ഗ്രൗണ്ടും ട്രാക്കും എല്ലാം ഒരുക്കുന്നതും സംഘടിപ്പിക്കുന്നതും ഞങ്ങൾ വിദ്യാർത്ഥിനികൾ ഒറ്റക്കാണ്. മൈക്ക് ഓപ്പറേറ്ററായി പോലും പുരുഷ സാന്നിധ്യം ഗൈയിറ്റ് കടക്കാറില്ല.*ഇത് ഞങ്ങളിൽ പലർക്കും ഒട്ടേറെ ലൈഫ് സ്കില്ലുകൾ നേടിത്തന്നു.

ഓരോ സെമസ്റ്ററിലേയും പരീക്ഷകൾ പാസാകുന്നവർക്കേ തുടർന്ന് പഠിക്കാൻ യോഗ്യതയുള്ളൂ.

നൂറ് പേരുണ്ടായിരുന്ന ഞങ്ങളുടെ ബാച്ചിൽ  കോഴ്സ് പൂർത്തിയാക്കി സനദ് വാങ്ങാൻ അർഹരായത് 41 പേർ.ബാക്കിയുള്ളവർ പല സമയങ്ങളിലായി കൊഴിഞ്ഞ് പോയി.സെമസ്റ്ററുകളിൽ തട്ടി വീണും കുടുംബത്തിന്റെ നിർബന്ധത്തിന് വഴങ്ങേണ്ടി വന്ന കല്യാണാലോചനകളിൽ കുടുങ്ങിയും മറ്റും. *ഇപ്പോൾ നാലാം വർഷം പൂർത്തിയാവും മുമ്പ് വഫിയ്യയിൽ കല്യാണം കഴിക്കാൻ പറ്റില്ല.* കുട്ടികളുടെ താൽപര്യപ്രകാരം കോളേജ് എടുത്ത നല്ല തീരുമാനം. ഈ നിയമം മുമ്പേ ഉണ്ടായിരുന്നങ്കിൽ കുറച്ച് പേർക്ക് കൂടി ഞങ്ങളുടെ ബാച്ചിൽ നിന്ന് സനദ് ലഭിച്ചേനെ.

വഫിയ്യയുടെ ശിൽപ്പി ഹക്കീം ഉസ്താദ് പറഞ്ഞത് എന്റെ അനിയത്തിമാരായ വഫിയ്യ കുട്ടികൾക്ക്  സമർപ്പിക്കട്ടെ: *"ആലോചനകൾ കൊണ്ട് വരുന്നത് അല്ലാഹു അല്ലേ?  കോഴ്സ് കഴിഞ്ഞാലും അവൻ നല്ല ആലോചനകൾ കൊണ്ട് വരില്ലേ?"*.പിന്നെന്തിന് ധൃതി കാണിക്കണം? രക്ഷിതാക്കൾ ചിന്തിക്കേണ്ട വാക്കുകൾ. എത്രയോ പേർ ആഗ്രഹിച്ച   സീറ്റാണ് നിങ്ങൾക്ക് കിട്ടുന്നത്.ഈ വർഷം 400 നടുത്ത സീറ്റുകളിലേക്ക് പരീക്ഷ എഴുതിയത് 1917 പേരാണ്.

*അഡ്മിഷനെടുക്കുന്ന 80%നത്തിലധികം പേരും അഞ്ച് വർഷ കോഴ്സ് പൂർത്തീകരിക്കുന്നതാണ് സന്തോഷം തരുന്ന പുതിയ ട്രെന്റ്*

വഫിയ്യ പുതിയ ജീവിതങ്ങൾ രൂപപ്പെടുത്തി.വ്യത്യസ്ത സാഹചര്യങ്ങളിൽ നിന്ന് വന്നവർക്ക് ഒരു തരം *വഫിയ്യത* രൂപപ്പെട്ടു: ദീനി തർബിയത്തിൽ, പെരുമാറ്റത്തിൽ, ജീവിത ശീലങ്ങളിൽ...

ഈ സന്തോഷ വേളയിൽ ഒരുപാട് പേരെ ഓർക്കുന്നു.ഞങ്ങൾ ഒരുപാട് പേരോട്  കടപ്പെട്ടിരിക്കുന്നു: അഞ്ച് വർഷം ഉറപ്പിച്ച് നിർത്തിയ അല്ലാഹുവിനാണ് ആദ്യമായും അവസാനമായും സർവ്വ സ്തുതികൾ...

ശൂന്യതയിൽ നിന്ന് വഫിയ്യ യാഥാർത്ഥ്യമാക്കിയ മഹാനായ ഗുരുവര്യർ

*ഹകീം ഉസ്താദ്...*

ഞങ്ങളുടെ ഓരോരുത്തരുടെയും *മാതാപിതാക്കൾ,* സഹോദരീ സഹോദരൻമാർ, ഞങ്ങളുടെ ജ്ഞാന വഴിയിൽ ഒട്ടേറെ ത്യാഗം സഹിച്ചവരാണവർ.

മർക്കസിലെ സ്വാത്വികരായ ഉസ്താദുമാർ: *കുഞ്ഞാമു ഉസ്താദ് ,നെടുങ്ങോട്ടൂർ ഉസ്താദ് ,കൊടശ്ശേരി ഉസ്താദ് ,കുട്ടി ഉസ്താദ്, ദാരിമി ഉസ്താദ്*.

ജ്ഞാനത്തിന്റെ സൗന്ദര്യം തൊട്ടറിഞ്ഞ മഹാ പണ്ഡിത പ്രതിഭകളാണിവരെല്ലാം.

വഫിയ്യയിലെ ഞങ്ങളുടെ ടീച്ചർമാർ: *ആമിന ടീച്ചർ, റംല ടീച്ചർ അമ്പലക്കടവ്, സൽമ ടീച്ചർ, ആലിയ ടീച്ചർ, സൗദ ടീച്ചർ, റുബ ടീച്ചർ, അശ്വിനി ടീച്ചർ,*

രാപകൽ ഭേദമില്ലാത്തെ കൂടെ നിന്നവരാണിവർ...

അല്ലാഹുവിനെ പ്രണയിച്ച് അവനിലേക്ക് യാത്രയായ *റൈഹാനത്ത് ടീച്ചർ.*

ഇടക്കാലത്ത് വന്ന് പോയ വേറെയും ടീച്ചർമാർ... ജാഗ്രതയോടെ ഗെയിറ്റ് കാക്കുന്ന *ഹമീദാക്ക*, കാന്റീനിലെ *ഇത്തമാർ...*

ഒരാളെക്കൂടി പരാമർശിക്കാതെ ഈ കുറിപ്പ് അവസാനിപ്പിക്കാൻ കഴിയില്ല,വിശുദ്ധ ദീനിന്റെ വെട്ടം കണ്ട് കൗമാരത്തിൽ എല്ലാം വിട്ട് വന്നണഞ്ഞ *നാജിയാത്ത,* അവർ ഒരു ഓഫീസ് ഗേൾ എന്നതിനപ്പുറത്ത് ഞങ്ങൾക്ക് പലതുമായിരുന്നു.

ഞങ്ങൾ കാണുകയോ അറിയുകയോ ചെയ്യാത്ത, മതിലിനപ്പുറത്ത് നിന്ന് സമർപ്പിതരായി പ്രവർത്തിക്കുന്ന ഒട്ടേറെ പേർ...എല്ലാവരേയും നാഥൻ ഏറ്റെടുക്കട്ടെ ... സ്വർഗത്തിൻ വെച്ച് ഒരു *അർഹാം അസംബ്ലി* കൂടാൻ കാത്തിരിക്കാം.

പിന്നാക്കത്തിന്റെ ഭാരം ചുമക്കുന്ന ഉമ്മത്തിന് *വരക്കൽ മുല്ലക്കോയ തങ്ങൾ* അസ്തിവാരമിട്ട *സമസ്തയുടെ* തണലിൽ, *കണ്ണിയത്ത് ഉസ്താദും, ശംസുൽ ഉലമയും കെ.കെ.ഹസ്റത്തും* കാണിച്ച് തന്ന വഴിയിൽ പുതുചരിതം സൃഷ്ടിക്കാൻ നമുക്ക് പ്രവർത്തിക്കാം,പ്രാർത്ഥിക്കാം.

ജസീല വഫിയ്യ അമ്പലക്കണ്ടി

01-8-2017