JAIHAN: April 2019

ജലം ജീവനാണ്

നമ്മുടെ നാട് അതീവ വരള്‍ച്ചയിലേക്കു നീങ്ങുകയാണ്. നാട്ടിന്‍പുറങ്ങളിലെ ജലാശയങ്ങളെല്ലാം വറ്റിക്കൊണ്ടിരിക്കുന്നു. ഭരണതലങ്ങളിലുള്ളവരും സന്നദ്ധസംഘടനകളും ദുരിതമകറ്റാന്‍ പല പദ്ധതികളുമായി കടന്നുവരുന്നുണ്ട്. കുടിവെള്ളത്തിനു സ്വര്‍ണത്തേക്കാള്‍ വിലയുണ്ടെന്നു മനസിലാക്കേണ്ട സന്ദര്‍ഭമാണിത്. മനുഷ്യനു മാത്രമല്ല എല്ലാ ജീവജാലങ്ങള്‍ക്കും അത്യന്താപേക്ഷിതമാണു ജലം. ഇനിയൊരു മഹായുദ്ധമുണ്ടാവുമെങ്കില്‍ അതു ജലത്തിനുവേണ്ടിയാവുമെന്നു പറയപ്പെടുന്നു. ജലം അത്രമേല്‍ കിട്ടാക്കനിയായി മാറിയിരിക്കുന്നു. 115 വര്‍ഷത്തിനിടയിലെ അതിരൂക്ഷമായ വരള്‍ച്ചയാണു വരാന്‍ പോകുന്നതത്രേ. ജനസംഖ്യ കൂടുകയും ജലം കുറയുകയും ചെയ്യുന്ന സ്ഥിതിയാണു വരാന്‍പോകുന്നത്. ഉള്ള ജലാശയങ്ങള്‍ മലിനമാണ്. അതിനാല്‍ ഉത്തരവാദിത്വം വളരെയാണ്. കേരളത്തില്‍ മഴലഭ്യത വര്‍ഷംതോറും കുറയുന്നതിനാല്‍ ഭൂഗര്‍ഭജലം ഉള്‍വലിയുകയാണ്. ജലോപയോഗത്തിലെ നമ്മുടെ തെറ്റായ സമീപനമാണ് ഇതിനെല്ലാം കാരണം. പണ്ടു മഴവെള്ളം സംരക്ഷിക്കാന്‍ പല നടപടികളും എടുക്കുമായിരുന്നു. പറമ്പുകളില്‍ വരമ്പു കെട്ടിതിരിച്ചു പെയ്യുന്ന ഓരോ തുള്ളിയും ഭൂഗര്‍ഭത്തിലേയ്ക്ക് ഇറക്കിവിടുമായിരുന്നു. ഇന്നു പെയ്യുന്ന മഴവെള്ളമത്രയും നിമിഷങ്ങള്‍കൊണ്ടു ഒഴുക്കിവിടുകയാണ്. ഒരു തുള്ളിപോലും നിലത്തേയ്ക്ക് ഇറങ്ങാന്‍ അനുവദിക്കുന്നില്ല. മനുഷ്യന്‍ പ്രകൃതിയോടു കാണിക്കുന്ന കൊടുംക്രൂരതയാണു കാലാവസ്ഥാവ്യതിയാനത്തിനും മഴക്കുറവിനും വരള്‍ച്ചയ്ക്കും കാരണം. സ്വന്തം ആവാസവ്യവസ്ഥയ്ക്കു ഭീഷണിയാവുന്ന വിധത്തിലാണു പ്രകൃതിചൂഷണം. പ്രകൃതിയെ തകര്‍ക്കാത്ത വികസനമാണു സമൂഹത്തിനാവശ്യം. ഒപ്പം മഴവെള്ളസംരക്ഷണത്തിനു പദ്ധതികളും ആവിഷ്‌കരിക്കണം. ഒന്നോ രണ്ടോ തുള്ളിയല്ലേ സാരമില്ലെന്നു പറഞ്ഞു പാഴാക്കുന്നതിനു മുന്‍പ് ഒന്നു ചിന്തിക്കുക. ഒരുമിനുട്ടില്‍ അഞ്ചുതുള്ളി പോയാല്‍ ഒരു ദിവസം രണ്ടുലിറ്ററാണു പാഴാക്കുന്നത്. അങ്ങനെ പത്തുപേര്‍ പാഴാക്കിയാല്‍ എത്ര വരും. ഓരോ ദിവസവും നമ്മുടെ വീടുകളില്‍ പാഴാക്കിക്കളയുന്ന വെള്ളത്തിന്റെ അളവെത്രയെന്നു ചിന്തിച്ചിട്ടുണ്ടോ. മൊത്തം മഴയുടെ അളവില്‍ 26 ശതമാനം കുറവുണ്ടായെന്നും വരള്‍ച്ചയുടെ കാര്യത്തില്‍ കേരളം മുന്‍പന്തിയിലാണെന്നും റിപ്പോര്‍ട്ടുകള്‍ പറയുന്നു.

JAIHAN

Tuesday, April 2, 2019

WAFY CAMPUS, 1st BATCH THAFSEER DEPARTMENT

Featured Post

Doore doore pontharika lyrics | Sanghaganam (Group Song) | Kerala school kalolsavam 2015 lyrics ദൂരേ പൊന് തരികള് വീണൊഴുകും പുലരിയിലൊരുകളിയോടം

ജലം ജീവനാണ്