Hakeem Faizy @ Wafy Arham Assembly 2015 : Wafy - Wafiyya Arts Fest & In...
Monday, May 8, 2017
Hakeem Faizy @ Wafy Arham Assembly 2015 : Wafy - Wafiyya Arts Fest & In...
Hakeem Faizy @ Wafy Arham Assembly 2015 : Wafy - Wafiyya Arts Fest & In...
Sunday, May 7, 2017
NAMIC TV: أساليب الدعوة PDF download
NAMIC TV: أساليب الدعوة PDF download: أساليب الدعوة PDF download click here
സൗഹൃദത്തിന്റെ മലയാള പരിസരം
കാഫിറുകളോടു യുദ്ധംചെയ്യാന്‍ ആവശ്യപ്പെടുന്ന സൈനുദ്ദീന്‍ മഖ്ദൂം (റ) രചിച്ച തുഹ്ഫത്തുല്‍ മുജാഹിദീന്‍ തീവ്രവാദത്തിന്റെ ആഹ്വാനമാണെന്നും കേരളത്തില്‍ തീവ്രവാദത്തിന് ജിഹാദിന്റെ പരിവേഷം നല്‍കിയത് അവിടംമുതലാണെന്നുമുള്ള വാദം ചിലര്‍ ഉയര്‍ത്താറുണ്ട്. ഒ.വി ഉഷയുടെ ഒരു നിരീക്ഷണമുണ്ടിവിടെ.
അങ്ങനെയാണെങ്കില്‍ സാമൂതിരിയെയാണു തുഹ്ഫ ശത്രുവായി കാണേണ്ടത്. ഹിന്ദുക്കളെല്ലാം കാഫിറുകളാണെന്നും അവരെ കൊല്ലുന്നതു ജിഹാദാണെന്നും സങ്കല്‍പിച്ചാണു തുഹ്ഫയെ തീവ്രവാദഗ്രന്ഥമായി കാണുന്നത്. കാഫിറുകളെ വധിക്കുന്നതിനെ ജിഹാദായി ഗണിക്കപ്പെടുന്നുണ്ട്. സാമൂതിരി മഹാരാജാവിന്റെ ഭരണത്തെ അട്ടിമറിച്ച് അധിനിവേശം നടത്താന്‍ കടല്‍ കടന്നെത്തിയ പോര്‍ച്ചുഗീസുകാര്‍ക്കെതിരേ നായര്‍പടയാളികളുടെ കൂടെനിന്നു യുദ്ധംചെയ്യാന്‍ മാപ്പിളപടയാളികളെ സജ്ജമാക്കുകയാണു തുഹ്ഫ.
കാഫിറെന്നാല്‍ അമുസ്‌ലിമാണെന്ന ധാരണയെ തുഹ്ഫ പൊളിച്ചെഴുതുകയാണ്. ഇസ്‌ലാം അല്ലെങ്കില്‍ ജാഹിലിയ്യത്ത്, ജാഹിലിയ്യത്തിനെതിരെ ജിഹാദ് എന്ന മൗദൂദിയന്‍ സങ്കല്‍പത്തെ തുഹ്ഫ അംഗീകരിക്കുന്നില്ല. പോര്‍ച്ചുഗീസുകാര്‍ അഹ്‌ലു കിതാബാണ്. എന്നിട്ടും ബഹുദൈവവിശ്വാസിയായ സാമൂതിരിയെയാണു തുഹ്ഫ പിന്തുണച്ചത്.
യൂറോപ്യന്‍, അമേരിക്കന്‍ മതേതരത്വം മതരഹിതമാണ്. മതമൂല്യങ്ങളില്ലാത്ത സംസ്‌കാരത്തില്‍ മതകീയപ്പേരുകള്‍ സങ്കരമാകുന്നതിനെ സൗഹൃദമെന്നു പേരിടുന്നതു നിരര്‍ത്ഥകമാണ്. മതമില്ലാത്തവരുടെ സഹകരണം മതസൗഹൃദമല്ല. മമ്മൂട്ടിയും മോഹന്‍ലാലും ഒന്നിച്ചു വേദിയിലിരുന്നാല്‍ മുസ്‌ലിം ഹിന്ദു ഐക്യമായെന്ന ബോധം അബദ്ധമാണ്. അതില്‍ മതത്തിന് ഒരു പങ്കുമില്ല. സൗഹൃദത്തിന്റെ അടിത്തറയ്ക്കു കേരളം നല്‍കിയ റോള്‍ മോഡലുണ്ട്. മമ്പുറം തങ്ങളും കോന്തുനായരും ഒരുമിക്കുന്നിടം, മങ്ങാട്ടച്ചന്റെ ചോദ്യം കുഞ്ഞായിന്‍ മുസ്‌ലിയാര്‍ പൂരിപ്പിക്കുന്ന മലായാളപരിസരം, സാമൂതിരിയുടെ അധികാരസംരക്ഷണത്തിനു പടനയിച്ചു രക്തസാക്ഷിയാകുന്ന കുഞ്ഞാലിമരയ്ക്കാരുടെ ഓര്‍മയുറങ്ങുന്ന കടല്‍കാറ്റ്.
ഹിന്ദു അധികാരത്തില്‍ മുസ്‌ലിംകള്‍ക്കു നേതാവായി ഷാ-ബന്ദര്‍ കോയ എന്ന സ്ഥാനപ്പേരില്‍ അധികാരിയെ വച്ചിരുന്നു. കേരളത്തിലെ ഹിന്ദുക്കള്‍ക്ക് വാണിജ്യം നടത്താന്‍ ഉത്തരേന്ത്യയിലേയ്ക്കു പോക്കുവരവിന് എട്ടുമാസം കാലതാമസം വന്നിടത്ത് അറേബ്യയുമായി കയറ്റിറക്ക് നടത്താന്‍ 40 നാള്‍ മാത്രം മതിയാകുമ്പോള്‍ ഉത്തരേന്ത്യന്‍ സംസ്‌കാരത്തേക്കാള്‍ മലയാളിഹിന്ദു അടുത്തറിഞ്ഞത് അറേബ്യന്‍ മുസ്‌ലിമിനെയാണ്.
സൈനുദ്ദീന്‍ മഖദൂം (റ) തുഹ്ഫയില്‍ മൂന്നു സ്ഥലത്തു ബഹുദൈവാരാധകനായ സാമൂതിരിക്ക് അല്ലാഹുവിന്റെ അനുഗ്രഹം ലഭിച്ചതായി രേഖപ്പെടുത്തുന്നുണ്ട്. 1). സാമൂതിരിയും സൈന്യവും അല്ലാഹുവിന്റെ അനുഗ്രഹത്താല്‍ സുരക്ഷതമായി കോഴിക്കോട്ടെത്തി (തുഹ്ഫ 64). 2) അല്ലാഹുവിന്റെ അനുഗ്രഹത്താല്‍ സാമൂതിരി പോര്‍ച്ചുഗീസുകാരുടെ ചതിയില്‍പെടാതെ രക്ഷപ്പെട്ടു (71) 3. വെളിയങ്കോടിന്റെ തെക്ക്ഭാഗത്ത് പറങ്കികളുടെ കപ്പല്‍ ശക്തമായ കാറ്റില്‍പെട്ട് തകര്‍ന്നത് സാമൂതിരിയോട് അല്ലാഹു കാണിച്ച അനുഗ്രഹമാണ് (75). ഇതേ കുറിച്ച് വി.സി ശ്രീജന്‍ പറയുന്നു. യഹൂദരല്ലാത്തവരെ യഹോവയോ നസറാണിയല്ലാത്തവരെ യേശുവോ അനുഗ്രഹിച്ചിട്ടില്ല. അല്ലാഹു സാമൂതിരിയെ അനുഗ്രഹിക്കുന്നത് ഇസ്‌ലാമിക പണ്ഡിതന്‍മാരെ സമ്മതിക്കൂ- മുസ്‌ലിംകള്‍ മതംമാറ്റം പ്രോത്സാഹിപ്പിക്കുന്നു എന്നത് ഒരു അപരാധമായി ചിലര്‍ പറയാറുണ്ട്. ഇസ്‌ലാമാക്കുന്നത് തീവ്രവാദമല്ല. തന്റെ മതത്തിലേക്ക് ചേര്‍ക്കുന്നതും തന്റെ ജാതിയില്‍ മറ്റാരും ചേരേണ്ട എന്ന് പറയുന്നതും രണ്ടാണ്. തുഹ്ഫ ജാതീയതക്ക് എതിരായിരുന്നു. ശ്രീജന്റെ വാക്കുകളില്‍ നിരാസത്തിന്റെ ധ്വനിയുണ്ട്.
ഹിന്ദു ജനവിഭാഗങ്ങള്‍ക്ക് മുസ് ലിംകള്‍ക്കിടയില്‍ വലിയ അംഗീകാരമുണ്ടായിരുന്നു. രാജ്യത്തിന്റെ പുരോഗതിയും സുരക്ഷിതത്വവും മുസ് ലിംകള്‍ക്കിടയിലൂടെയാണ് ഹൈന്ദവരാജാക്കന്മാര്‍ ഉറപ്പുവരുത്തിയത്. സാമൂതിരിയുടെ ഭരണപ്രദേശത്ത് വിദേശ വസ്തുക്കള്‍ എത്തിച്ചതും ഇവിടത്തെ നാണ്യം വിദേശങ്ങളില്‍ എത്തിച്ചതും അറബികളും മുസ ്‌ലിംങ്ങളുമാണ്. എം.ജി.എസ് നാരായണന്‍ എഴുതുന്നു. വാസ്തവത്തില്‍ പരന്നു കിടക്കുന്ന ഇസ് ലാമിക സാമ്രാജ്യത്തിലെ സമുദ്രവ്യാപാര ശൃംഘലയുടെ നടുക്കണ്ണി എന്ന പദവിയാണ് കോഴിക്കോടിനെ ഒരു അന്താരാഷ്ട്ര വ്യാപാര കേന്ദ്രമായി വളര്‍ത്തിയതും ഈ രാജ്യത്തെ കേരളത്തില്‍ വേണാട് ഒഴിച്ചെല്ലാ രാജ്യങ്ങളും ഭയപ്പെടുന്ന വന്‍ശക്തിയാക്കി മാറ്റിയതും എന്ന് പറയാം. സാമൂതിരിയുടെ പടത്തലവരായി കുഞ്ഞാലി മരക്കാര്‍ നിലയുറപ്പിച്ചു. കുഞ്ഞാലിമരക്കാര്‍ നാലാമന്റെ ഘട്ടത്തില്‍ സാമൂതിരി പോര്‍ച്ചുഗീസുകാര്‍ക്ക് പിന്തുണ നല്‍കിയ ഘട്ടമുണ്ടായിരുന്നു. ആ ചതിയില്‍ പോലും കുഞ്ഞാലി മരക്കാര്‍ സാമൂതിരിയെ തള്ളിയില്ല. പോര്‍ച്ചുഗീസിന് ആവശ്യം സാമൂതിരിയെയല്ല, കുഞ്ഞാലിയെയാണ്. കുഞ്ഞാലിമരക്കാരെ സ്വന്തമാക്കി സാമൂതിരിയുടെ അധികാരം പിടിച്ചെടുക്കുക. സാമൂതിരിയെ സ്വന്തമാക്കി കുഞ്ഞാലിയെ കീഴ്‌പ്പെടുത്തേണ്ട ആവശ്യം പോര്‍ച്ചുഗീസിനില്ല. അധികാരം കുഞ്ഞാലിയിലല്ല, സാമൂതിരിയിലാണ്. കുഞ്ഞാലിയെ വശത്താക്കാന്‍ കഴിയില്ലെന്ന് കണ്ടപ്പോഴാണ് സാമൂതിരിയെ വശത്താക്കാന്‍ പോര്‍ച്ചുഗീസ് കുതന്ത്രത്തിനായത്. ചതിയില്‍ പെട്ടിട്ടുപോലും പോര്‍ച്ചുഗീസിന് കീഴടങ്ങാന്‍ കുഞ്ഞാലി തയാറാവാതെ ഒടുക്കം സാമൂതിരിയുടെ മുന്‍പില്‍ കീഴടങ്ങിക്കോളാം എന്നാണ് കുഞ്ഞാലിമരക്കാര്‍ സമ്മതിച്ചത്. അവസാനം വരെ ഹിന്ദു ഭരണാധികാരിയുടെ കൂടെ നിന്ന മുസ്‌ലിം പടയാളി.
സാമൂതിരിക്ക് വേണ്ടി പോര്‍ച്ചുഗീസുകാരോട് യുദ്ധം ചെയ്യാന്‍ നായര്‍ പടയാളികളുടെ കൂടെ ചേരാന്‍ സൈനുദ്ധീന്‍ മഖ്ദൂം തുഹ്ഫയിലൂടെ മാപ്പിള പടയാളികളോട് നിര്‍ദേശിക്കുന്നുണ്ട്. അത് ജിഹാദാണ്. മരിച്ചാല്‍ ശഹീദാണ്. മുസ് ലിംകളോട് സ്വന്തമായി ജിഹാദ് നടത്തുന്നതിന് പകരം ഹിന്ദു പടയാളികളോട് ചേര്‍ന്ന് നിന്ന് പടവെട്ടാനാണ് തുഹ്ഫ കല്‍പ്പിക്കുന്നത്. അതിനെ ജിഹാദും ശഹീദുമായി സമര്‍പ്പിക്കുന്നു.
അറബി രാജാക്കന്മാരേക്കാള്‍ സാമൂതിരിയോടാണ് മുസ്‌ലിംകള്‍ക്ക് കടപ്പാടുണ്ടായിരുന്നത്.
ചാലിയം കോട്ട പിടിച്ചടക്കിയ സാമൂതിരിയെ വാഴ്ത്തി ഖാസീ മുഹമ്മദ് (റ) രചിച്ച ഫത്ഹുല്‍ മുബീന്‍ എന്ന കാവ്യം അറബിയിലാണ്. ( അദേഹം തന്നെ രചിച്ച മുഹ്‌യുദ്ധീന്‍ മാല അറബി മലയാളത്തിലാണ്. അത് മലയാളിക്ക് വേണ്ടിയാണ്) ഫത്ഹുല്‍ മുബീന്‍ അറബി മലയാളത്തിലെഴുതാതെ അറബിയില്‍ എഴുതാനുള്ള കാരണം കോഴിക്കോട്ടെ മുസ് ലിംകള്‍ക്ക് അറബി രാജാക്കന്മാരില്‍ നിന്ന് ലഭിക്കാത്ത സഹായവും പിന്തുണയും സാമൂതിരിയില്‍ നിന്ന് ലഭിച്ചതും അതിന് മുസ് ലിംകള്‍ സാമൂതിരിയോട് കടപ്പെട്ടതും അറബ് ലോകം അറിയാനാണ് കാവ്യം അറബിയിലാക്കിയത്. കുറച്ചൊക്കെ പ്രധിഷേധത്തിന്റെ സൂചനയും ആ രചനക്കുണ്ട്. സാമൂതിരിയെ പ്രീതിപ്പെടുത്തി സമ്മാനം നേടലായിരുന്നു ഖാസി മുഹമ്മദ് (റ) വിന്റെ ഉദ്ദേശമെങ്കില്‍ നാലു നൂറ്റാണ്ട് പിന്നിട്ടിട്ടും മലയാള സാഹിത്യത്തില്‍ പകരം വെക്കാനില്ലാത്ത കാവ്യമായ മുഹ്‌യിദ്ദീന്‍ മാല രചിച്ച അദേഹത്തിന് സാമൂതിരിമഹാത്മ്യം മലയാളത്തില്‍ എഴുതാമായിരുന്നു. മറിച്ച് ഉദ്ദേശം അറബികളെ ബോധ്യപ്പെടുത്തുകയായിരുന്നു. അന്യ നാട്ടുകാരനായ സുല്‍ത്താന്‍ അലി ആദില്‍ശക്കാണ് അത് സമര്‍പ്പിച്ചത് എന്നതും ശ്രദ്ധേയമാണ്.
സാമൂതിരിയുടെ പടത്തലവനായ കുഞ്ഞാലി മരക്കാരുടെ സൈന്യത്തിലെ മത ജാതി ഐക്യത്തെ കെ.പി കേശവമേനോന്‍ പുകഴ്ത്തുന്നുണ്ട്. തൊട്ട് കൂടായ്മയും ചാതുര്‍ വര്‍ണ്യവും നിറഞ്ഞാടുന്ന കാലത്താണ് കുഞ്ഞാലി മരക്കാരുടെ പടയില്‍ ഉയര്‍ന്ന ജാതിയും താഴ്ന്ന ജാതിയും നിലയുറപ്പിച്ചത്. സാമൂതിരി ഹിന്ദു മുസ് ലിം ഐക്യത്തെയും കുഞ്ഞാലിമരക്കാര്‍ സവര്‍ണ- അവര്‍ണ ജാതി ഐക്യത്തില്‍ പ്രചോദനമേകി. സാമൂതിരിയെ മുസ് ലിംകളുടെ അമീറായി തുഹ്ഫ അവതരിപ്പിക്കുന്നുണ്ട്.
മതം രാഷ്ട്ര പ്രക്രിയയില്‍ ഇടപെടുന്നതാണ് തുഹ്ഫയില്‍ കാണുന്നത്. സാമൂഹ്യ പ്രശ്‌നങ്ങളും രാഷ്ട്രീയ വര്‍ത്തമാനങ്ങളിലും ഞങ്ങള്‍ മാത്രം ഇടപെട്ടാല്‍ മതിയെന്ന് മതത്തിന് അവിടെ റോളൊന്നുമില്ലെന്ന വാദം തുഹ്ഫ നിരാകരിക്കുകയാണ്. മതത്തിന്റെ മൗലികതയെ വാദിക്കുന്നവര്‍ക്ക് സാമ്രാജിത്വ അധിനിവേശ വിരോധിയോ സാമൂഹ്യ പ്രശ്‌നങ്ങളില്‍ ഇടപെടലുകളോ ആവില്ലന്നും ആയിക്കൂടെന്നുമുള്ള സങ്കല്‍പത്തെ തുഹ്ഫ പൊളിച്ചെഴുതുന്നുണ്ട്. മത വിശ്വാസത്തിന്റെയും മതാനുഷ്ഠാനത്തിന്റെയും കരുത്തിലാണിത്. പോര്‍ച്ചുഗീസ് വിരോധവും രാഷ്ട്ര ബോധവും ജാതി വിരുദ്ധതയുമാണ് തുഹ്ഫ നിര്‍മിക്കുന്നത്. മത രഹിത സാമൂഹികതയെയല്ല, മത സഹിത സാമൂഹികതയെയാണ് തുഹ്ഫ ഉയര്‍ത്തിക്കാട്ടിയത്. ചരിത്ര ഗ്രന്ഥം കൂടിയാണ് തുഹ്ഫ. കേരളത്തിലെ ആദ്യത്തെ ചരിത്ര ഗ്രന്ഥം തുഹ്ഫയാണ്. ഇന്ത്യയിലെ ഹിന്ദു രാജാക്കന്മാര്‍ ഇതര രാജ്യങ്ങളിലെ ചരിത്രം പഠിക്കാത്തതില്‍ ഡോ. എം.ജി.എസ് നാരായണന്‍ പരിതപിക്കുന്നുണ്ട്. എം.ജി.എസ് പറയുന്നു : ഹിന്ദു രാജാക്കന്മാര്‍ ഇതര രാജ്യങ്ങളെ പഠിച്ചില്ല. അല്‍ ബിറൂദിയെ പോലുള്ളവര്‍ ഹിന്ദു മതത്തെ പഠിച്ച പോലെ ബ്രാഹ്മണര്‍ പഠിച്ചിരുന്നെങ്കില്‍ ചരിത്രം മറ്റൊന്നാകുമായിരുന്നു. യഥാര്‍ത്ഥത്തില്‍ വേലായുധന്‍ പണിക്കശ്ശേരിയുടെ കേരളം പതിനഞ്ചും പതിനാറും നൂറ്റാണ്ടുകളില്‍ എന്നൊരു ഗ്രന്ഥം തുഹ്ഫയുടെ തര്‍ജ്ജുമയാണ്. വിദേശിക്കെതിരെ നാട്ടു രാജാവിനെ രക്ഷിക്കാന്‍ ആയുധമേന്താന്‍ പ്രേരിപ്പിക്കുകയാണ് തുഹ്ഫയുടെ ലക്ഷ്യമെങ്കിലും ഒരു നിഷ്പക്ഷ കേരള ചരിത്രം നമുക്ക് കിട്ടി. ഉള്ളത് അതേപടി ശൈഖ് പറഞ്ഞു തന്നു. ലോഗന്‍ – മലബാര്‍ മാന്വലില്‍ പറയുന്നു സാമുദായിക പക്ഷം ചേരല്‍ തുഹ്ഫയിലില്ല. മുസ് ലിംകളിലെ തന്നെ ജീര്‍ണ്ണതകളെയും ദോഷങ്ങളെയും കണക്കിന് ശാശിക്കുന്നുമുണ്ട്. സൈനുദ്ധീന്‍ മഖ്ദൂം നിര്‍വഹിച്ചത് സാമൂഹ്യ പശ്ചാത്തലം പഠിച്ച ഒരു പണ്ഢിതന്റെ ധര്‍മ്മമാണ്. ചരിത്രം പറയുകയല്ല. ആളുകളെ ഇടപെടീക്കുകയാണ്. കൂട്ടത്തില്‍ ചരിത്രം ലഭ്യമാക്കുന്നു എന്നു മാത്രം. ഇന്നത് നടന്നു എന്ന് പറയുന്നതിന് പകരം ഇന്നതില്‍ ഇന്നത് സംഭവിക്കണമെന്ന് ആഹ്വാനം ചെയ്യുകയാണ് തുഹ്ഫ : ശൈഖ് സൈനുദ്ധീന്‍ മഖ്ദൂമില്‍ സാമ്രാജിത്വ വിരുദ്ധതയെ കാണുന്നവര്‍ അദ്ദേഹത്തിന്റെ ആത്മീയ ചക്രവാളം വിസ്മരിക്കുക മാത്രമല്ല നിരാകരിക്കുക കൂടി ചെയ്യുന്നത് കാപട്യമാണ്. അദ്ദേഹത്തിന്റെ ആദ്ധ്യാത്മികതയെ ഒഴിച്ചു നിര്‍ത്തി ദേശീയ വാദിയെ കണ്ടെത്താനാവില്ല. ഇസ് ലാമിക പണ്ഢിതനായ മഖ്ദും സാമ്രാജ്യത്വത്തെ വെല്ലുവിളിക്കുന്നത് ആത്മീയ ജീവിതത്തിന്റെ ഭൂമികയില്‍ നിന്നാണ്.
മാപ്പിളമാര്‍ ഈ യുദ്ധം നടത്തി മലയാള ക്കരയും ഭാഷയും സംരക്ഷിച്ചില്ലായിരുന്നുവെങ്കില്‍ എഴുത്തച്ഛന് തിരൂരില്‍ സ്വസ്ഥമായിരുന്ന് രാമായണ കാവ്യ രചന നടത്താന്‍ കഴിയുമായിരുന്നില്ലന്ന് കെ.കെ.എന്‍ കുറുപ്പ് പറയുന്നുണ്ട്.
ഖാസീ മുഹമ്മദ് (റ) ഫത്ഹുല്‍ മുബീന്‍ എഴുതിയത് യുദ്ധത്തിന് ശേഷമാണ്. എന്നാല്‍ സാമൂതിരിയുടെ ഭരണം കാക്കാന്‍ നായര്‍ പടയാളികളോട് മാപ്പിള പടയാളികളോട് ചേര്‍ന്ന് യുദ്ധം നടത്താന്‍ അദ്ദേഹം ഖുതുബകളിലൂടെ പ്രേരണ നല്‍കി. അതിന്റെ സമാഹാരമാണ് അല്‍ ഖുത്ബത്തുല്‍ ജിഹാദിയ്യ. വളാഞ്ചേരിയിലെ പാങ്ങില്‍ അഹ്മദ് കുട്ടി മുസ് ലിയാരുടെ ഗ്രന്ഥ ശേഖരത്തില്‍ നിന്ന് അബ്ദുറഹിമാന്‍ ആദൃശ്ശേരി ഈ ഖുതുബ സമാഹാര ഗ്രന്ഥം
പുറത്ത് കൊണ്ടു വന്നത് ഈ അടുത്താണ്. ഡോ: എന്‍.എ.എം അബ്ദുല്‍ ഖാദര്‍ ഠഒഋ ണഅഞ ടജഋഋഇഒ എന്ന പേരില്‍ ഇത് ഇംഗ്ലീഷിലേക്ക് മൊഴിമാറ്റം നടത്തിയിട്ടുണ്ട്. സമരം കൊല്ലങ്ങള്‍ നീണ്ടപ്പോള്‍ ഉപരോധം കാരണം പൊറുതി മുട്ടിയ പോര്‍ച്ചുഗീസുകാര്‍ സാമൂതിരിക്ക് പണം നല്‍കാന്‍ തീരുമാനിച്ചത് മന്ത്രിമാര്‍ക്ക് സ്വീകാര്യമായിരുന്നിട്ടും പടയാളികളുടെ അഭിപ്രായം സ്വികരിച്ച് സാമൂതിരി വഴങ്ങാതിരുന്നതും ഈ ഗ്രന്ഥങ്ങളില്‍ പറയുന്നുണ്ട്. കോഴിക്കോട്ടെ മിശ്കാല്‍ പള്ളിയില്‍ സാമൂതിരിയുടെ ഉദ്യോഗസ്ഥരും മുസ് ലിം പണ്ഢിതന്മാരും ഒരുമിച്ചു കൂടിയാണ് ചാലിയം യുദ്ധത്തിന് തീരുമാനം എടുത്തത് എന്ന് ഫത്ഹുല്‍ മുബീനില്‍ പറയുന്നുണ്ട്. എം.ജി.എസ് നാരായണന്‍ എഴുതുന്നു. കോഴിക്കോട്ടെ സാമൂതിരി മധ്യ കാല ശതകങ്ങളില്‍ രൂപമെടുത്ത ഇസ് ലാമിക മഹാ സഖ്യത്തിലെ ഹിന്ദു രാജാവായി അംഗീകരിക്കപ്പെട്ടു. അത് കൊണ്ടാണ് പതിനാറാം നൂറ്റാണ്ടില്‍ ശൈഖ് സൈനുദ്ധീന്‍ മഖ്ദൂം പറങ്കികള്‍ക്കെതിരായി സാമൂതിരിപ്പാടിന്റെ നേതൃത്വത്തില്‍ ഹിന്ദുക്കളും മുസ് ലിം കളും ചേര്‍ന്ന് ഒരു ജിഹാദ് നടത്തുവാന്‍ ആഹ്വാനം ചെയ്തത്. ഫത്ഹുല്‍ മുബീന്‍ എന്ന അറബി കാവ്യത്തില്‍ ചാലിയം കോട്ട പിടിച്ച കഥ വര്‍ണിക്കുമ്പോള്‍ കോഴിക്കോട്ടെ ഖാസീ മുഹമ്മദ് തുര്‍ക്കിയിലെയും ഈജിപ്തിലെയും സുല്‍ത്താന്മാരേക്കാള്‍ സാമൂതിരിയെ വാഴ്ത്താന്‍ ഇടവന്നതും ഈ പശ്ചാത്തലത്തിലാണ്.
(കോഴിക്കോട് ചരിത്രത്തില്‍ നിന്ന് ചില ഏടുകള്‍- പേജ് 45)
കാഫിറിനെതിരെ യുദ്ധം ചെയ്യാന്‍ തുഹ്ഫയു ഫത്ഹുല്‍ മുബീനും ഖുത്ബത്തുല്‍ ജിഹാദിയ്യയും ആഹ്വാനം ചെയ്യുമ്പോള്‍ പ്രതിപക്ഷ സ്ഥാനത്ത് അമുസ് ലിമിനെ മൊത്തം കാണുന്നത് വങ്കത്തമാണ്. സാമൂഹിക രാഷ്ട്രീയ വിഷയത്തില്‍ കാഫിറെന്നതിന്റെ വിവക്ഷ സാമൂഹ്യ ശാസ്ത്ര പരവും രാഷ്ട്രീയവുമാണ്. അതുകൊണ്ടാണ് കാഫിറിനെതിരായ യുദ്ധം സാമൂതിരിക്ക് വേണ്ടിയാകുന്നത്. സൗഹൃദത്തിന്റെ പരിസരത്ത് നിന്ന് വേണം ഇത് വായിക്കാന്‍. മതങ്ങള്‍ക്കിടയിലെ പരസ്പര സഹവര്‍തിത്വമെന്ന കോണില്‍ ഇന്ത്യക്കും കേരളത്തിനും പടിഞ്ഞാറ് നിന്ന് ലഭിച്ചതല്ല. അതിനുമെത്രയോ മുന്‍പ് നമ്മുടെ പൈതൃകത്തിന്റെ ഭാഗമാണത്.
നാസര്‍ ഫൈസി കൂടത്തായി 9447338246
ബിസിനസിന്റെ ഫസ്റ്റ് ലേഡി
ഏഷ്യയിലെ ഏറ്റവും ശക്തയായ ബിസിനസുകാരിയെന്ന നേട്ടം റിലയന്‍സ് ഫൗണ്ടേഷന്‍ ചെയര്‍പേഴ്‌സന്‍ നിത അംബാനിക്ക്. ബിസിനസിന്റെ ഫസ്റ്റ് ലേഡി എന്നാണ് നിതയെ ഫോര്‍ബ്‌സ് വിശേഷിപ്പിച്ചിരിക്കുന്നത്. ഏഷ്യയിലെ ഏറ്റവും ശക്തയായ ബിസിനസുകാരിയെന്ന നേട്ടം റിലയന്‍സ് ഫൗണ്ടേഷന്‍ ചെയര്‍പേഴ്‌സന്‍ നിത അംബാനിക്ക്. ഫോര്‍ബ്‌സ് മാസിക പുറത്തുവിട്ട 50 പേരുടെ പട്ടികയിലാണ് നിത ഒന്നാമതെത്തിയത്. പട്ടികയില്‍ ഇന്ത്യയില്‍ നിന്ന് എട്ടു പേര്‍ ഇടംനേടിയിട്ടുണ്ട്. എസ്ബിഐ ചെയര്‍മാനും മാനെജിങ് ഡയറക്ടറുമായ അരുന്ധതി ഭട്ടാചാര്യയാണ് പട്ടികയില്‍ രണ്ടാം സ്ഥാനത്തുള്ളത്.
മുസിഗ്മ സിഇഒ അംബിക ധീരജ്(14ാം സ്ഥാനം), വെല്‍പ്‌സണ്‍ ഇന്ത്യ സിഇഒ ദിപാലി ഗോയങ്ക(16ാംസ്ഥാനം), ലുപിന്‍ സിഇഒ വിനിത ഗുപ്ത(18ാംസ്ഥാനം), ഐസിഐസിഐ ബാങ്ക് എംഡിയും സിഇഒയുമായ ചാന്ദ കൊച്ചാര്‍(22ാംസ്ഥാനം), വിഎല്‍സിസി ഹെല്‍ത്ത് കെയര്‍ സ്ഥാപകയും വൈസ് ചെയര്‍മാനുമായ വന്ദന ലുത്ര(26ാംസ്ഥാനം), ബയോകോണ്‍ സ്ഥാപകയും ചെയര്‍മാനും എംഡിയുമായ കിരണ്‍ മസുംദാര്‍ ഷാ(28ാംസ്ഥാനം) എന്നിവരാണ് പട്ടികയില്‍ ഇടംനേടിയ മറ്റ് ഇന്ത്യക്കാര്‍.
ചൈന, ഇന്തോനേഷ്യ, ഓസ്‌ട്രേലിയ, വിയറ്റ്‌നാം, തായ്‌ലാന്‍ഡ്, ഹോങ്കോങ്, ജപ്പാന്‍, സിംഗപ്പൂര്‍, ഫിലിപ്പീന്‍സ്, ന്യൂസിലാന്‍ഡ് എന്നീ രാജ്യങ്ങളില്‍ നിന്നുള്ളവരെ പിന്തള്ളിയാണ് നിതയും അരുന്ധതിയും ഒന്നും രണ്ടും സ്ഥാനങ്ങളിലെത്തിയത്. ഇന്ത്യയിലെ ഏറ്റവും സമ്പന്നനായ വ്യവസായി മുകേഷ് അംബാനിയുടെ ഭാര്യയാണ് 52കാരിയായ നിത.
ഇന്ത്യയില്‍ കോടീശ്വരന്മാരുടെ ഭാര്യമാര്‍ ഭര്‍ത്താവിന്റെ തണലില്‍ കഴിയുമ്പോള്‍ നിത വേറിട്ട് നില്‍ക്കുകയാണെന്ന് ഫോര്‍ബ്‌സ് വ്യക്തമാക്കുന്നു. ഇന്ത്യന്‍ ബിസിനസിന്റെ ഫസ്റ്റ് ലേഡി എന്നാണ് നിതയെ ഫോര്‍ബ്‌സ് വിശേഷിപ്പിച്ചിരിക്കുന്നത്.
Tuesday, May 2, 2017
Monday, April 10, 2017
അവധിക്കാലം എങ്ങനെ ചെലവഴിക്കാം.....
വീണ്ടും അവധിക്കാലം വന്നെത്തി. നാടിന്റെ കോലവും ശീലവുമെല്ലാം പാടെ മാറി മറിഞ്ഞ ഈ കാലത്ത് അവധിക്കാലം മാങ്ങയ്ക്ക് കല്ലെറിഞ്ഞും കുട്ടിയും കോലും കളിച്ചും വിനോദവും വികൃതിയുമായി നാളുകള്‍ തള്ളിനീക്കുന്ന പഴയ ശീലങ്ങളുടെ കാലമല്ല. ഇപ്പോള്‍ ഒറ്റനോട്ടത്തില്‍ തന്നെ അവധിക്കാലം കളിയുടെയും കാര്യത്തിന്റെയും കാലമാണ്. പതിവ് ടൈംടേബിളിനെ മാറ്റിനിര്‍ത്തി സൗകര്യം പരിഗണിച്ച് കൂടുതല്‍ സമയം വിനോദത്തിലും അതില്‍ കൂടുതല്‍ സമയം വിജ്ഞാനത്തിലും ഏര്‍പ്പെടുന്ന ഒത്തിരി മധുരവും ഇത്തിരി കയ്പുമൊക്കെ നിറഞ്ഞ നാളുകളുടേതാണ് വര്‍ത്തമാനത്തിന്റെ അവധിക്കാലം.
അവധിക്കാലം രക്ഷിതാക്കള്‍ക്ക് പലപ്പോഴും ആകുലതയുടെയും വ്യാകുലതയുടെയും നാളുകളാണ്. പകലന്തിവരെ വിദ്യാലയങ്ങളിലും മറ്റും കഴിഞ്ഞിരുന്ന കുട്ടികള്‍ ഇരുപത്തിനാല് മണിക്കൂറും വീട്ടിലുണ്ടാകുമ്പോള്‍ അവരാല്‍ സംഭവിക്കുന്ന ചെറിയ-വലിയ ‘പ്രശ്‌നങ്ങള്‍’ രക്ഷിതാക്കളെ അധിക സമയവും അലോസരപ്പെടുത്താറുണ്ട്. എങ്കിലും കുട്ടിക്കും രക്ഷിതാവിനും അധികം അലട്ടില്ലാത്തവിധം ഒരു കര്‍മപദ്ധതി കുട്ടികള്‍ക്ക് മുമ്പില്‍ സമര്‍പ്പിക്കപ്പെട്ടാല്‍ അത് പ്രയോഗത്തില്‍ വരുത്തുന്നതിലൂടെ അവധിക്കാലം ആര്‍ക്കും നന്മനിറഞ്ഞതായിത്തീരുന്നതാണ്.
അവധിക്കാലത്ത് ഒട്ടേറെ കാര്യങ്ങള്‍ പഠിക്കാനും പ്രവര്‍ത്തിക്കാനുമുണ്ടാകും. അവയില്‍ ആവശ്യമായതും ഗുണപ്രദമായതും കണ്ടെത്തി പ്രവര്‍ത്തിക്കുകയാണ് വേണ്ടത്. അദ്ധ്യയനകാലത്ത് വേണ്ടവിധം അനുവര്‍ത്തിക്കാന്‍ കഴിയാതിരുന്ന കാര്യങ്ങളെല്ലാം യഥാവിധം ചെയ്യാന്‍ അവധിക്കാലം സൗകര്യപൂര്‍വം ഉപയോഗപ്പെടുത്താം. അണുകുടുംബ ജീവിതത്തിന്റെ ഈ കാലത്ത് സാമൂഹ്യമര്യാദകളും ബന്ധങ്ങളും ബാധ്യതകളും അറിയാനും മനസ്സിലാക്കാനും വരെ അവധിക്കാലം ഒരുവേള ഉപയോഗപ്പെടുത്താവുന്നതാണ്.
അവധിക്കാലത്ത് കുട്ടികള്‍ക്ക് ഏറെ പ്രയോജനം ചെയ്യുന്ന ലളിതമായ കര്‍മപരിപാടിയാണ് വായന. പാഠപുസ്തകങ്ങള്‍ക്കുമപ്പുറം അറിവിന്റെ ഒരു വലിയ ലോകം കീഴടക്കാന്‍ വായനയിലൂടെ സാധിക്കും. ഉത്തമ ഗ്രന്ഥങ്ങള്‍, ആനുകാലിക പ്രസിദ്ധീകരണങ്ങള്‍, പുസ്തകങ്ങള്‍, മലയാളം, ഇംഗ്ലീഷ് പത്രങ്ങള്‍ എന്നിവയൊക്കെ വായിക്കുന്നതിലൂടെ എക്കാലത്തും ഉപകാരപ്രദമാകുന്ന ഒട്ടേറെ അറിവുകള്‍ നേടാന്‍ ഏതു മീഡിയം പഠിക്കുന്ന കുട്ടിക്കും സാധിക്കുന്നതാണ്. അതേസമയം നടേ പറഞ്ഞവ അവരുടെ കഴിവും പ്രായവും പരിഗണിച്ചുകൊണ്ട് മാത്രമേ നടപ്പാക്കാവൂ. ഹൈസ്‌കൂള്‍ പ്രായത്തിലുള്ള കുട്ടികള്‍ക്കാണ് ഇംഗ്ലീഷിലുള്ള കൊച്ചു പുസ്തകങ്ങളും പത്രവായനയുമൊക്കെ ഏറ്റവും യോജിക്കുന്നത്.
വായനക്ക് ധാരാളം അവസരം ലഭിക്കുമ്പോള്‍ തന്നെ അവയിലെ പ്രധാന വിവരങ്ങള്‍ എഴുതിവെച്ചും ശേഖരിച്ച് സൂക്ഷിച്ചും മുതല്‍കൂട്ടാക്കാം. താല്‍പര്യമില്ലാത്തവ വായിക്കാനും പ്രയോജനപ്പെടാത്തവ ശേഖരിക്കാനും നിര്‍ദ്ദേശിക്കാതിരിക്കാന്‍ രക്ഷിതാക്കള്‍ പ്രത്യേകം ശ്രദ്ധിക്കേണ്ടതാണ്. കാര്യങ്ങള്‍ തങ്ങളുടെ മാത്രം സൗകര്യത്തിനനുസരിച്ച് രക്ഷിതാക്കള്‍ കുട്ടികളില്‍ അടിച്ചേല്‍പിക്കുന്ന അവസ്ഥയും ഉണ്ടാകാവതല്ല.
പഠനരംഗത്ത് ആവശ്യമായ വിവിധ ഭാഷകളിലെ കഴിവും പാടവവും വര്‍ദ്ധിപ്പിക്കാനും അവധിക്കാലം ഉപയോഗപ്പെടുത്താവുന്നതാണ്. അപ്പര്‍ പ്രൈമറി തലം തൊട്ട് വിദ്യാര്‍ത്ഥികളില്‍ ഇപ്പോള്‍ ഭാഷാപഠനത്തിന് നല്ല പ്രാവീണ്യവും അടിസ്ഥാന വിവരവും ആവശ്യമാണ്. ഹിന്ദി, ഇംഗ്ലീഷ്, അറബി തുടങ്ങിയ ഭാഷകളിലെ മെച്ചപ്പെട്ട പഠനവും നല്ല കഴിവും ഭാവിയില്‍ തൊഴില്‍ രംഗത്ത് വലിയ ഗുണം ചെയ്യും. അവധിക്കാലത്ത് സ്വകാര്യപഠനകേന്ദ്രങ്ങള്‍ വഴിയോ ട്യൂഷന്‍ വഴിയോ ഇത്തരം ഭാഷകളില്‍ അധിക പഠനത്തിന് അവസരം കണ്ടെത്താവുന്നതാണ്. കൂടാതെ ശാസ്ത്രവിഷയത്തിലും സാമൂഹ്യവിഷയത്തിലുമൊക്കെ ചിത്രങ്ങളിലൂടെയും പരീക്ഷണങ്ങളിലൂടെയുമായി വിവിധ കാര്യങ്ങള്‍ ചെറുതായി മനസ്സിലാക്കിയവയായുണ്ടാകും. ഇത്തരം കാര്യങ്ങളെ വിശദമായി അറിയാനും പരിചയപ്പെടാനും അവധിവേളയില്‍ ശ്രമം നടത്താം. ഇവ്വിഷയത്തില്‍ സ്‌നേഹിതരുടെയോ സഹപാഠികളുടെയോ റഫറന്‍സ് പുസ്തകങ്ങള്‍, ആല്‍ബങ്ങള്‍, ഉപകരണങ്ങള്‍ മുതലായവയുടെ സഹായം തേടാവുന്നതുമാണ്.
മദ്‌റസാ പഠനത്തിനും ഖുര്‍ആന്‍ പഠനത്തിനുമൊക്കെ വിവിധ കാരണങ്ങളാല്‍ വേണ്ടത്ര അവസരം ലഭിക്കാത്തവര്‍ കുട്ടികളില്‍ ഉണ്ടായേക്കാം. വളരുന്ന തലമുറക്ക് ദിനീശിക്ഷണവും വിശുദ്ധ ഗ്രന്ഥത്തിന്റെ പഠനവുമൊക്കെ വലിയ തോതില്‍ തന്നെ നല്‍കേണ്ടത് ആധുനിക കാലത്ത് വളരെ ആവശ്യമാണ്. അവധിക്കാലം മതപഠനത്തിനും ഖുര്‍ആന്‍ പഠനത്തിനും ഉപയോഗപ്പെടുത്താവുന്നതാണ്. കൂടാതെ ഖുര്‍ആനിലെ കൊച്ചുസൂറത്തുകള്‍ മനഃപാഠമാക്കാനും മനഃപാഠമായതില്‍ പോരായ്മയുണ്ടെങ്കില്‍ അവ നികത്താനും ഈ കാലം വളരെ ഉചിതമായിരിക്കും. ഒപ്പം ഫര്‍ളും സുന്നത്തുമായ നിസ്‌കാരങ്ങള്‍, ദിക്‌റുകള്‍, സ്വലാത്തുകള്‍ എന്നിവ പഠിച്ച് അവ കൃത്യതയോടെയും നിഷ്ഠയോടെയും കുറ്റമറ്റ് പ്രാവര്‍ത്തികമാക്കി പരിശീലിക്കാനുമുള്ളതാണ് ഒഴിവുകാലം.
വിദ്യാഭ്യാസ രംഗത്ത് അധ്യയന വിഷയങ്ങളോടൊപ്പം കലാ-സാഹിത്യമേഖലകളിലെ കഴിവിനും മേന്മക്കും വലിയ സ്ഥാനമാണ് നിലവിലുള്ളത്. കഥ, കവിത, ഗാനം, ലേഖനം, പ്രസംഗം, ചിത്രരചന തുടങ്ങിയ കാര്യങ്ങള്‍ക്കുള്ള പ്രാധാന്യം ക്ലാസുകള്‍ ഉയരും തോറും ഉയര്‍ന്നുവരികയും ചെയ്യും. കുട്ടികളിലെ ഇത്തരം മേഖലകളിലുള്ള കഴിവുകള്‍ വികസിപ്പിക്കുവാനും പ്രോത്സാഹിപ്പിക്കുവാനും അവധിക്കാലനാളുകള്‍ ഉപകരിക്കുന്നതാണ്. അച്ചടിമാധ്യമങ്ങളില്‍ പ്രത്യേകിച്ച് ബാലമാസികകളില്‍ കുട്ടികള്‍ക്ക് തങ്ങളുടെ രചനാപരമായ കഴിവുകള്‍ പ്രകാശിപ്പിക്കുവാന്‍ ഇപ്പോള്‍ കൂടുതല്‍ അവസരങ്ങള്‍ ലഭ്യമാണ്.
കമ്പ്യൂട്ടര്‍ പഠനം, തയ്യല്‍ പരിശീനം, നീന്തല്‍, സൈക്കിള്‍ സവാരി തുടങ്ങിയവയില്‍ പഠനം നടത്തുവാനും പഠിച്ചവര്‍ക്ക് തുടര്‍പഠനത്തിനും പരിശീലനത്തിനും ഒഴിവുകാലം മികച്ച അവസരമാണ്.
നാണയശേഖരണം, സ്റ്റാമ്പ് ശേഖരണം, ചെടി നട്ടുവളര്‍ത്തല്‍ തുടങ്ങിയ ഹോബി (വിനോദം) കളില്‍ താല്‍പര്യമുള്ള കുട്ടികളുണ്ടാകും. മറ്റുള്ളവര്‍ ഇത്തരം ഹോബികളില്‍ വിജയികളായി നിലനില്‍ക്കുന്നത് കാണുമ്പോള്‍ അത്തരം കുട്ടികള്‍ തങ്ങള്‍ക്ക് ഇഷ്ടപ്പെട്ട ഹോബിക്ക് സമയവും സൗകര്യവും ലഭിക്കാത്തതില്‍ ഖേദിക്കുന്നത് പതിവാണ്. താല്‍പര്യമുള്ളവര്‍ക്ക് ഈ രംഗത്തും തുടക്കം കുറിക്കുന്നതിന് അവധിക്കാലം ഉപയോഗപ്പെടുത്താം. ഹോബികള്‍ പഠനവേളകളിലും നേട്ടമായിത്തീരുന്നതാണ്.
അടുക്കള വേലകളും വീട്ടുവിശേഷങ്ങളും വേണ്ടവിധം അറിയാത്തവരാണ് ഇന്നത്തെ ആണ്‍ പെണ്‍ കൗമാര തലമുറ. പഠനഭാരത്തോടൊപ്പം അടുക്കളഭാരവും വീട്ടുവേലയും അവരുടെ തലയിലേറ്റി പഠനത്തിന്റെ പാളം തെറ്റിക്കേണ്ട എന്ന രക്ഷിതാക്കളുടെ വിചാരമാണ് ആണ്‍-പെണ്‍കുട്ടികള്‍ക്ക് പാചക കലയും ഇതര വേലകളും അന്യമാക്കിയത്. അവധിക്കാലം കുട്ടികളെ വിശിഷ്യ കൗമാരക്കാരെ ഇത്തരം കാര്യങ്ങള്‍ അറിയാനും അറിയിക്കാനും പരിശീലിപ്പിക്കാനുമെല്ലാം ഏറ്റവും അനുയോജ്യ വേളയാണ്. ശുചിത്വകാര്യങ്ങള്‍, അടുക്കള കൃഷി, പാചകം, അനുബന്ധ കാര്യങ്ങള്‍ ഇവയിലെല്ലാം ഈകാലത്ത് നന്നായി ഇടപെടാന്‍ കുട്ടികള്‍ക്ക് അവസരമൊരുക്കണം.
അവധിക്കാലത്ത് പ്രത്യേക ശ്രദ്ധയുണ്ടാകേണ്ട കാര്യമാണ് കുട്ടികളുടെ കൂട്ടുകെട്ടും ടി.വി. പ്രണയവും. സമയവും സൗകര്യവും ഏറെ ലഭിക്കുന്ന അവധിക്കാലത്ത് കുട്ടികള്‍ കൂട്ടുകെട്ട് വഴി തിന്മയിലേക്കും ദുഷ്ടശക്തികളുടെ കൈകളിലേക്കും എത്തിപ്പെടാന്‍ സാധ്യത ഏറെയാണ്. ടി.വി.ക്കു മുമ്പില്‍ മാത്രമായുള്ള ഇരുത്തവും തിന്മകള്‍ ചിന്തിക്കുവാനും ചെയ്യുവാനും ഇടയാക്കുന്നതാണ്. ഒപ്പം കമ്പ്യൂട്ടറിന്റെ കാര്യത്തിലും ജാഗ്രത വേണം. കുട്ടികളുടെ കൂട്ടുകെട്ട് ശ്രദ്ധിക്കുകയും സൂക്ഷിക്കുകയും ചെയ്യുകയും ടി.വി.യും കമ്പ്യൂട്ടറും സ്വകാര്യ-അമിത ഉപയോഗത്തിനു സാധ്യമാകത്തവിധം നിയന്ത്രിക്കുകയും ചെയ്യണം.
ഏതായാലും ഇപ്പോഴത്തെ അവധിക്കാലം പഴയ മാമ്പഴക്കാലമല്ല. വികൃതിയും കുസൃതിക്കുമുള്ള കാലവുമല്ല. ഉപകാരമാകുന്നവ നേടാനും അറിയേണ്ടത് സ്വായത്തമാക്കാനും ആവശ്യമായത് പഠിക്കാനും പരിശീലിക്കാനുമൊക്കെയുള്ള കാലമാണ്. ഓര്‍ക്കുക.. കാലം ആരെയും കാത്തിരിക്കില്ല.
വാഫി വഫിയ്യ: പഴമയുടെ മഹിമയും പുതുമയുടെ ഗുണമേന്മയും
പ്രത്യുല്‍പന്നമതിയായ ഇമാം ഗസാലി (റ) യുടെ പ്രസ്താവനയിലുള്ളതാണ് ഈ മൊഴികള്‍. കേരളത്തിലെ മതപ്രസംഗ സ്റ്റേജുകളില്‍ നിറസാന്നിധ്യമായിരുന്ന പണ്ഡിതനാണ് തഴവാ മൗലവി. കാല്‍ നൂറ്റാണ്ട് മുമ്പ് പ്രസിദ്ധീകരിച്ച അദ്ദേഹത്തിന്റെ ചിന്താബന്ധുരമായ കാവ്യ ശകലങ്ങളിലെ ഈ വരി ശ്രദ്ധേയമാണ്.
‘ലൗകിക വിദ്യാ വാഹനം കൊള്ളാമെടോ
ആത്മീയ വിദ്യകളാണതിന്റെ ബ്രേക്കെടോ
സ്‌കൂള്‍ വിദ്യായില്ലാ എങ്കിലിന്നൊരു നഷ്ടമാ
അതു മാത്രമേ ഉള്ളതെങ്കില്‍ കഷ്ടമാ
രണ്ടും നിനക്ക് ലഭിക്കുമൊന്നില്‍നിന്നു
എന്നാല്‍ ജയിച്ചിടും ലോകമില്‍ നീ അന്ന്.’
പണ്ഡിതന്റെ പ്രധാന ദൗത്യം പ്രബോധനമാണ്. പ്രബോധിതരുടെ ഭാഷയും സാഹചര്യവും അവരുടെ മുന്നിലുള്ള പ്രത്യയശാസ്ത്രപരമായ സമസ്യകളും ഗ്രഹിക്കേണ്ടതനിവാര്യമാണ്. സാംസ്‌കാരികമായ അധിനിവേശത്തിന്റെ തടവറകളിലെത്തുന്നവരാണിന്ന് പുത്തന്‍ തലമുറ. അതോടെ വ്യക്തിത്വം നഷ്ടപ്പെടാനിടയാകുന്നു. ഈ സൈദ്ധാന്തികമായ ഇടപെടലുകള്‍ വെല്ലുവിളിയായി ഏറ്റെടുക്കാന്‍ പണ്ഡിതന്‍മാര്‍ക്ക് കഴിയണം. കാലികമായ വിജ്ഞാനങ്ങള്‍ സ്വന്തപ്പെടുത്തേണ്ടത് ചെറുത്തുനില്‍പിന് ശക്തി പ്രധാനംചെയ്യുന്ന ആയുധമാണ്. സമന്വയ പഠനത്തിനുതകുന്ന കാലാവസ്ഥയാണിന്ന് കേരളത്തിലുള്ളത്. വിജ്ഞാന തല്‍പരരായ എല്ലാവരുമിന്ന് വിമര്‍ശനം വിട്ട് ഇതിനെ സ്വാഗതം ചെയ്യുന്നു. മതപഠനത്തിനു ഭൗതിക പഠനമോ ഭൗതിക പഠനത്തിനു മതപഠനമോ തടസ്സമാവാതെ സമന്വയം പരിഹാരമായി എല്ലാ ഉന്നത മതപഠന കേന്ദ്രങ്ങളും സ്വാഗതം ചെയ്തുകൊണ്ടിരിക്കുന്ന സമയമാണിത്.
കോ-ഓര്‍ഡിനേഷന്‍ ഓഫ് ഇസ്‌ലാമിക് കോളജസ് (സി.ഐ.സി) വിഭാവനം ചെയ്യുന്ന വാഫി വഫിയ്യ കോഴ്‌സുകള്‍ക്ക് സമന്വയ വിദ്യാഭ്യാസ രംഗത്ത് കേരളത്തിലിന്ന് ജനപ്രിയ കോഴ്‌സായി മാറിയിരിക്കുന്നു. 51 ഇസ്‌ലാമിക് ആന്റ് ആര്‍ട്‌സ് കോളജുകള്‍ ഈ സിലബസനുസരിച്ച് പ്രവര്‍ത്തിക്കുന്നുണ്ട്. ഇവയില്‍ നാലെണ്ണം വനിതാ (വഫിയ്യ) കോളജുകളാണ്.
പാണക്കാട് സയ്യിദ് ഹൈദരലി ശിഹാബ് തങ്ങളാണ് സി.ഐ.സിക്ക് നേതൃത്വം നല്‍കുന്നത്. ആദൃശ്ശേരി അബ്ദുല്‍ ഹക്കീം ഫൈസി കോ-ഓര്‍ഡിനേറ്ററും. എസ്.എസ്.എല്‍.സിക്കുശേഷം എട്ട് വര്‍ഷമാണ് കോഴ്‌സുകാലം. ആദ്യത്തെ രണ്ടുവര്‍ഷം തംഹീദിയ്യ (പ്രിപ്പറേറ്ററി), നാലു വര്‍ഷം ആലിയ്യ (ഡിഗ്രി), രണ്ടുവര്‍ഷം മുതവ്വല്‍ (പി.ജി), ആകെ 16 സെമസ്റ്റര്‍. തംഹീദി ക്ലാസില്‍ നഹ്‌വ് (ഗ്രാമര്‍), സര്‍ഫ് (മോര്‍ഫോളജി), കര്‍മ്മശാസ്ത്രം, തസവ്വുഫ് സാഹിത്യം, രണ്ട് ജുസുഅ് ഹിഫുളും ഫങ്ഷനല്‍ ഉര്‍ദുവും. കൂടെ +1, +2 ഹ്യുമാനിറ്റീസ്, സയന്‍സ്, കൊമേഴ്‌സ്.
ആലിയ്യയില്‍ തഫ്‌സീര്‍ ഉലൂമുല്‍ ഖുര്‍ആന്‍, അഖാ ഇദ്ദ തസവ്വുഫ് മതങ്ങള്‍ ഇസങ്ങള്‍, ഫിഖുഹു നിദാന ശാസ്ത്രം, നിയമ നിര്‍മ്മാണ ചരിത്രം. ഗ്രാമര്‍ അലങ്കാര ശാസ്ത്രം, സാഹിത്യം, സാഹിത്യ ചരിത്രം, ചരിത്ര നിരൂപണം, വൃത്തശാസ്ത്രം, തര്‍ക്കശാസ്ത്രം, ഫങ്ഷണല്‍ അറബിക്, ഭാഷാ ശാസ്ത്രം, ചരിത്രം. കൂടെ യു.ജി.സി അംഗീകരിച്ച യൂനിവേഴ്‌സിറ്റി ഡിഗ്രിയും.
തംഹീദിയ്യ ആലിയ്യാ ഘട്ടങ്ങളില്‍ സെമസ്റ്റര്‍ സിസ്റ്റവും മുതവ്വല്‍ (പി.ജി) ഘട്ടങ്ങളില്‍ ചോയ്‌സ് ബെയ്‌സ്ഡ് ക്രെഡിറ്റ് ആന്റ് സെമസ്റ്റര്‍ സ്‌കീമുമാണ് (സി.ബി.സി. എസ്.എസ്) ഈ കോഴ്‌സിന്നുള്ളത്. ഉസൂലുദ്ദീന്‍, ശരീഅ:, ലുഗ: ഹളാറ: എന്നീ ഫാക്കല്‍റ്റികള്‍ തെരഞ്ഞെടുക്കാവുന്നതാണ്.
(1) ഉസൂലുദ്ദീന്‍ ആധുനികവും പുരാതനവുമായ തഫ്‌സീറുകള്‍, ഹദീസ് അഖായിദ് മതങ്ങളുടെയും ഇസങ്ങളുടെയും താരതമ്യ പഠനം, തെറ്റിദ്ധാരണക്ക് മറുപടി, തസവ്വുഫ് തര്‍ക്കശാസ്ത്രം, ഫിലോസഫി എന്നീ വിഷയം പഠനത്തിന് വിധേയമാക്കും.
(2) ശരീഅ: ഫിഖ്ഹ് മദ്ഹബുകളുടെ നിദാനം, ശരീഅത്തിന്റെ അന്തസത്ത, ആധുനിക കര്‍മ്മശാസ്ത്ര പ്രശ്‌നങ്ങള്‍, ഇസ്‌ലാമിക സാമ്പത്തികശാസ്ത്രം, ബാങ്കിംഗ്, ന്യൂനപക്ഷ ഫിഖ്ഹ്, തുടങ്ങിയവയാണ് വിഷയം.
(3) ലുഗ ഹളാറ: ഭാഷാ ശാസ്ത്രം, അലങ്കാര ശാസ്ത്രം, സാഹിത്യം, സാഹിത്യ നിരൂപണം, സാഹിത്യ ചരിത്രം, വൃത്തശാസ്ത്രം, ചരിത്രം, ഓറിയന്റലിസം, ട്രാന്‍സ്‌ലേഷന്‍ തുടങ്ങിയ പ്രധാന വിഷയങ്ങളാണ് ഈ പറഞ്ഞ മൂന്ന് ഫാക്കല്‍റ്റികള്‍ക്കും. തഫ്‌സീര്‍, ഫിഖ്ഹ്, ഹദീസ്, സൈക്കോളജി എന്നീ വിഷയങ്ങള്‍ ഉണ്ടായിരിക്കും. പി.ജി പഠന കാലത്ത് ഡി.സി.എ നിലവാരത്തിലുള്ള കമ്പ്യൂട്ടര്‍ പഠനവും ഹിസ്ബ് ടീച്ചിംഗ് ട്രൈയിനിംഗ് (എസ്.കെ.ഐ.വി.ബി) ഉണ്ടായിരിക്കും. കോഴ്‌സ് പൂര്‍ത്തിയാകുമ്പോള്‍ 100 പേജില്‍ കുറയാത്ത അറബി ഭാഷയില്‍ ഒരു ഗവേഷണ പ്രബന്ധം (ഡിസ്സര്‍ട്ടേഷന്‍) സമര്‍പ്പിക്കേണ്ടതാണ്. വിഷയം സി.ഐ.സി അക്കാദമിക് കൗണ്‍സില്‍ നിര്‍ദ്ദേശിക്കുന്നതായിരിക്കും. വൈവേയും നടക്കും.
എസ്.എസ്.എല്‍.സിക്കുശേഷം വനിതകള്‍ക്ക് നല്‍കുന്ന അഞ്ചുവര്‍ഷത്തെ കോഴ്‌സാണ് വഫിയ്യ. പത്ത് സെമസ്റ്റര്‍. രണ്ടുവര്‍ഷം പ്രിപ്പറേറ്ററി നഹ്ഖ് സര്‍ഫ് കര്‍മ്മശാസ്ത്രം, തസവ്വുഫ് സാഹിത്യം. ചരിത്രം. ഹിഫഌ (രണ്ട് ജുസുഅ്). എഴുത്ത്. കൂടെ +1, +2 ഹ്യുമാനിറ്റീസ്, കൊമേഴ്‌സ്. ഡിഗ്രി മൂന്നുവര്‍ഷം. ഫതുഹുല്‍ മുഈന്‍, ഉസൂലുല്‍ ഫിഖ്ഹ് തഫ്‌സീര്‍ (ജലാലൈനി), ഹദീസ് (മിശ്ക്കത്ത്) അഖാഇദു, സാഹിത്യം, അലങ്കാര ശാസ്ത്രം, ഹോം സയന്‍സ്, ശൈശവ മന:ശാസ്ത്രം, ശാരീരിക വളര്‍ച്ച, വ്യക്തത്വ വികസനം, കുടുംബ ജീവിതം, സാമൂഹിക വികസനം, രോഗ പ്രതിരോധം, വാര്‍ധക്യം, രോഗ ശുശ്രൂഷ. കൂടെ യു.ജി.സി അംഗീകരിക്കുന്ന യൂനിവേഴ്‌സിറ്റി ഡിഗ്രിയും.
യൂനിവേഴ്‌സിറ്റി ഡിഗ്രി നേടിയവര്‍ക്കെ വാഫി വഫിയ്യ ബിരുദം നല്‍കപ്പെടുകയുള്ളൂ എന്നത് ഈ കോഴ്‌സിന്റെ പ്രത്യേകതയാണ്. ഈജിപ്തിലെ അല്‍ അസ്ഹര്‍ യൂനിവേഴ്‌സിറ്റിയുടെ എം.ഒ.യു നേടിയ ഈ കോഴ്‌സിന് കൈറോ യൂനിവേഴ്‌സിറ്റിയുടെ ഈക്വലന്‍സും ലഭിച്ചിട്ടുണ്ട്. ജാമിഅ: മില്ലിയ്യ, അലീഗര്‍ യൂനിവേഴ്‌സിറ്റി തുടങ്ങിയ വിശ്വോത്തര പഠന കേന്ദ്രങ്ങളുടെ അംഗീകാരവും ഈ കോഴ്‌സിനുണ്ട്. ബഹു.സമസ്ത കേന്ദ്ര മുശാവറ ശരിവെച്ച ഏക കോഴ്‌സാണ് കേരളത്തിലെ വാഫി സിലബസ്.
കോഴ്‌സ് പൂര്‍ത്തിയാക്കിയ വാഫികള്‍ ഈജിപ്തിലെ അല്‍ അസ്ഹര്‍ കൈറോ, ഡല്‍ഹിയിലെ ജെ.എന്‍.യു, ജാമിഅ: മില്ലിയ തുടങ്ങിയ മത ഭൗതിക മേഖലയിലെ വിശ്വോത്തര യൂനിവേഴ്‌സിറ്റികളില്‍ പി.എച്ച്ഡി ചെയ്യുകയും ലോകത്തിന്റെ വിവിധ ഭാഗങ്ങളില്‍ പ്രബോധന അധ്യാപന മാധ്യമ മേഖലകളില്‍ സേവനമനുഷ്ഠിക്കുകയും ചെയ്യുന്നുണ്ട്. സാമൂഹിക സേവനം ഈ കോഴ്‌സിന്റെ പ്രധാന ഭാഗമായി അംഗീകരിച്ച ആദ്യത്തെ സമന്വയ സിലബസാണ് വാഫി. എല്ലാവര്‍ഷവും ഏപ്രില്‍-മെയ്‌ മാസങ്ങളിലാണ് പ്രവേശനം നല്‍കപ്പെടുന്നത്. കോഴ്സുമായി ബന്ധപ്പെട്ട മറ്റു വിവരങ്ങള്‍ക്കും അപേക്ഷാഫോറത്തിനും മറ്റുമായി സി.ഐ.സിയുടെ വെബ്സൈറ്റ് സന്ദര്‍ശിക്കുക: www.wafycic.com
– സെയ്തു മുഹമ്മദ് നിസാമി-
(ഡയറക്ടര്‍, വാഫി അക്കാദമിക് കൌണ്‍സില്‍ & പ്രിന്സിപാല്‍ റഷീദിയ്യ എടവണ്ണപ്പാറ)
Subscribe to:
Posts (Atom)